SAMUEL 2 23:1 - Alkitab Singog In Mongondow Masa In Tanaa

¹ Ki Daud adí i Isai in piniḻí nobaḻí datu bo binaḻí intau moḷoben i Allah Yakub. Sia doman in nongarang kon dondong mita kon Israel. Naa in tosingogon i Daud imbuitnea:

SAMUEL 2 23:1 ပူးပေါင်းရင်းမြစ်များ

KINOBAḺIAN 49:1

Noiduduimai kon tua ki Yakub nogoiní kon i adínea mita bo noguman, “Poyosipundon kon naa, kon diugku. Potaaukudon kon i monimu onu in kobayáan monimu kon singgai moiduduimai:

SAMUEL 2 22:34

Iniropotan-Nea in sioḷku naonda bo sioḷ in rusa, bo noḷukad sinbá mosaḷamat in akuoi kon buḷud.

SAMUEL 2 22:51

Ki Allah in nobogoi in kauntungan moḷoben kon datu inta dinuí-Nea, Sia in umuranbí motabi kon intau inta piniḻí-Nea, ki Daud bo buínea in umur mononoi.

TAWARIKH 1 16:7

Tuata inta dungkuḷ totok ki Daud nopotabá kon i Asap bo yobayatnea mita sin mopodondong in dodayow kon i Tuhan.

TAWARIKH 1 16:9

Podondongdon in dodayow kon i Tuhan, oumandon in bayongan inta inaidan-Nea inta mokoherang.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 72:20

Natuata in sambayang mita in Daud, ki adí i Isai.

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

MAZMUR 89:21

Nouḻí-Kudon in ki Daud, mogogundoi-Ku, bo dinuí-Ku in sia takin ininggúan in ḷana in upacara.

AMOS 6:5

Mopia in gina monimu in momia kon dondong, ná inta inaidan i Daud, bo moiko in mopodondong in dondong tatua takinan in kecapi.

LUKAS 20:42

Bokaka ki Daud tontaní ain nomais kon bonu in buk Mazmurnea nanaa, ‘Ki Tuhan aindon noguman kon i Tuangku: Ḻitúdon kon dotá in koḷanan-Ku,

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

YAKOBUS 5:13

Aka kon sigad monimu oyúon in kinoantugan in roriga, yo musti in sia mosambayang. Aka oyúon in moḷunganga, yo musti in sia modondong modayow kon i Allah.

SAMUEL 1 17:12

Ki Daud tua in ki adí i Isai intau in Eprata, nongkon Betlehem kon Yohuda. Ki Isai naa in kogadí kon ḷoḷaki taya waḷu, kon tungkuḷ in ki Saul nomarenta, ki Isai in nogoguyangdon totok.

SAMUEL 1 18:7

Koyogot in notayok bobay mita nodondong nanaa, “Ki Saul noḻimod kon ribuan in musung, táe i Daud in puḷúan ribu.”

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”