SAMUEL 2 21:9 - Alkitab Singog In Mongondow Masa In Tanaa

⁹ Mosia in inogoidon kon intau mita in Gibeon, bo taya pitu tatua in minatoi noyotakin binambé kon tudu in buḷud kon tayowon i Tuhan. Hukuman minatoi tatua pinomia kon imbuit in sempo in pononubú, kon wakutu in momangkoidon moratab kon makoya.

SAMUEL 2 21:9 ပူးပေါင်းရင်းမြစ်များ

SAMUEL 2 21:6

Tuamai, ogoidon in intau pitu nongkon buínea inta ḷoḷaki, sinbá gantongon nami kon tayowon i Tuhan kon Gibea, kotá i Datu Saul tontaní.” Tubag i datu, “Mopia, ogoikubí in mosia.”

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

SAMUEL 2 6:21

Ki Daud in notubag, “Akuoi naa in notayok sin mohoromatbí kon i Tuhan, inta ain nondoí kon i amámu bo kon motoḷuadínea, bo nomiḻí kon inakó nobaḻí itoi in Israel, umat-Nea. Tuamai umuranbí in akuoi motayok sin mohoromat kon i Tuhan.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 9:31

Pinomuḷa rami bo makeang, sin rami koyogot momungai, bo makeang koyogot momatu.

IḶUAIAN 9:32

Táe gandum bo inta monombatoḷ diábí nogoguyaat sin deemanpa semponea.

PINOGIAPAN 25:4

“Domokdon in bayongan intau inta nobaḻí itoi mita in bangusa tatua bo ḻimod in mosia kon tayowon in intau mobarong sin moponiata mogaid kon onu inta pinarenta-Ku, sinbá Akuoi in diádon tumorú bui kon bangusa tatua.”

ULANGAN 21:22

“Aka intau tobatú ihukumdon minatoi sin nogaidon kon inta moraat, bo mayatnea in binambé kon oigi,

RUT 1:22

Natuata in ouman soaḷ ki Naomi nobui mangoi kon Moab takin i Rut intau in Moab tua inta ki buḷoi i adínea. Mosia in noidapot kon Betlehem kon dodai in pomangkoiandon ponoḻisían kon bungai in gandum.

SAMUEL 1 15:33

Táe ki Samuel noguman, “Ná doman onda bo pitowmu inta nokopopisí kon nobayong in guyanga bobay kinobuḻian in adí monia, yo natua doman in ki inámu kobuḻian i adínea.” Bo ki Samuel nonibat kon i Agag nodapot in minatoi kon tayowon in mezbah kon Gilgal.