SAMUEL 2 21:7 - Alkitab Singog In Mongondow Masa In Tanaa

⁷ Táe popisí in ki Daud bo ki Yonatan aindon nongongibotan, ki Daud in diábí nobogoi kon i Mepiboset adí i Yonatan.

SAMUEL 2 21:7 ပူးပေါင်းရင်းမြစ်များ

SAMUEL 2 16:4

Bo nogumandon in ki datu kon i Ziba, “Pinangkoidon kon tanaa bayongan kapunyaan i Mepiboset in mobaḻídon kapunyaanmu.” “Sukur moantó Tuang,” tubag i Ziba. “Igumon mako ki Tuang umuran mopia in gina kon inakó!”

SAMUEL 2 19:25

Naonda in ki Mepiboset namangoi nongkon Yerusalem sin motomu kon i datu, nogumandon in ki datu kon inia, “Mepiboset, nongonu sin iko in diábí dinumudui kon inakó tungkuḷ intua?”

SAMUEL 2 9:1

Kon singgai tobatú noḻibó in ki Daud, “Oyúonpa degá in nobiag in intau nongkon motoḷuadí i Saul? Aka oyúonpa, yo akuoi in moibog mopoaid in mopia kon inia sin motuḻí kon aid mopia i Yonatan.”

SAMUEL 2 9:10

Iko bo ki adímu mita takin bobantungmu in mustibí monompinomuḷa kon butá tatua sin kopontingan in motoḷuadí i tuangmu ki Saul, bo ogoidon in bungai in pinomuḷa tatua kon i monia sinbá oyúon in pakéon monia kon kobiagan. Táe ki Mepiboset in motaaubí in mongaan kon komaḻig in kinoouput in kinobiagannea.” (Ki Ziba in kogadí kon ḷoḷaki 15 bo atanea in 20.)

SAMUEL 2 9:6

Ki Mepiboset in tangoi adí ḷoḷaki i Yonatan tatua. Naonda in namangoi in sia, sinumungkud in sia nohoromat kon i Daud. Ki Daud nokuuk kon inia, kainia, “Mepiboset,” bo sia notubag, “Ya, Tuang datu.”

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

MOHOHUTUBA 8:2

Duduiai aka parentaan i datu, bo dika ḻimika-ḻikat in modandi kon i Allah.

SAMUEL 1 18:3

Tuamai in nongibot in ki Yonatan kon umuranbí moyobayat i Daud kinoouput in kinobiagannea.

SAMUEL 1 20:12

Bo ki Yonatan in noguman kon i Daud, “Igumon mako ki Tuhan Allah in Israel in mobaḻí sakusi kon i natonda! Ikoḷom doḷo-doḷom andeka toumá degá orasmai ná tanaa, ḷongasionku totaauon onu in kon bonu in gina i amáku. Aka mopia in dodianea kon inimu, yo pokidiaanku in koyow kon inimu.

SAMUEL 1 20:15

yo umurandon poniata in kososatiamu kon buíku. Bo aka ki Tuhan moyopúdon kon bayongan in musungmu,

SAMUEL 1 20:17

Dá kon induaneadon in ki Yonatan nopoigum kon i Daud modandi kon monotabibí kon inia, sin sia in motabi kon i Daud ná kotabinea kon awaknea tontaní.

SAMUEL 1 20:42

Onda inta nogumandon in ki Yonatan kon i Daud, “Poigumon mako ki Allah in motuḷung kon inimu. Ki Tuhan in moḷukadbí kon inaton bo buí naton in umuranbí mokadai kon dodandian natonda kon tayowon i Allah.” Nopaḷut mako kon tua minayádon in ki Daud, bo ki Yonatan in nobuidon kon kotá.

SAMUEL 1 20:8

Akuoi in mokituḷung kon inimu, sin kitada in nomiadon kon dodandian kon tayowon i Tuhan. Tongá aka akuoi in kotaḷá, yo ḻimodon in akuoi, táe dikabí in akuoi ogoimu kon i amámu.”

SAMUEL 1 23:18

Onda intua ki Daud bo ki Yonatan in nomia kon dodandian yoyobayatan kon tayowon i Tuhan. Nopaḷut mako kon tua ki Yonatan in nobui kon baḷoinea, bo ki Daud in umuranpabí nogutun kon Hores.

SAMUEL 1 24:22

Tanaa in podandidon kon inakó podoyon kon i tuhan, kon diábí ḻimodonmu in bui ku, bo diábí doman momopat kon tangoi in motoḷuadíku!”