SAMUEL 2 21:4 - Alkitab Singog In Mongondow Masa In Tanaa

⁴ Tubag monia, “Pelekara nami takin i Saul bo motoḷuadínea in diábí motaau tongá paḷuton in saḷaka andeka in buḷawan, táe kami in doíbí doman in moḻimod kon tobatúmai nongkon bangusa in Israel.” Bo noguman in ki Daud, “Aka natua, onu in koibog monimu pomiaanku?”

SAMUEL 2 21:4 ပူးပေါင်းရင်းမြစ်များ

KINOBAḺIAN 30:31

Guman i Laban, “Mobaḻímai onu in ogoiku kon inimu?” Ki Yakub in notubag, “Donaidon ogoianmu in onu bo onu. Akuoi in umuranbí momiag kon bobiagonmu, asaḷ bo iko moibog kon onu inta poigumonku tanaa:

PINOGIAPAN 35:31

Moḷoḻimod tobatú in mustibí hukumon matoi. Diábí motaau tobutonnea in doit in hukuman tatua.

PINOGIAPAN 35:32

Aka intau tobatú noḷagui kon kotá pogogadopan tobatú, dikabí ogoi in sia mobogoi in doit sinbá motaaudon in sia mobui kon baḷoinea kon dodai in ki Imang Moḷoben diápa minatoi.