SAMUEL 2 21:3 - Alkitab Singog In Mongondow Masa In Tanaa

³ bo noḻibó kon i monia, “Onu in motaau aidanku sin kopontinganmu? Moibog in akuoi motobut kon taḷá inta ain inaidan kon inimu, sinbá moiko in momarakat kon umat i Tuhan.”

SAMUEL 2 21:3 ပူးပေါင်းရင်းမြစ်များ

SAMUEL 2 20:19

Kotá nami Abel naa in moḷoben, tongobatú kotá inta nobiag notompia bo mosatia kon butá in Israel. Nongonu sin ḷongasionbí poguyaaton i Tuang? Moibog degá in ki Tuang momoguyaat kon butá kapunyaan i Tuhan?”

IḶUAIAN 32:30

Nopoikoḷomai kon singgai ki Musa noguman kon bangusa tatua, “Moiko ain nogaid kon dosa moḷoben. Táe tanaa akuoi in motakod bui kon buḷud tatua sin mayá tumayow kon i Tuhan; igumon mako akuoi mokouḻí kon totabi bo ampungandon in taḷá monimu.”

IMAMAT 1:4

Bo sia in musti mopoukat in ḻimanea kon uḷu in biag tatua, dá sosumbanea in tarimaan i Tuhan mobaḻí pongampung kon dosanea.

YUNUS 1:11

Kon dodai intua deḷang totokdon in mogupet, bo intau mita in kapaḷ noḻibódon kon inia, “Onu in musti aidan nami kon inimu sinbá mogogaidon in deḷang tanaa?”

IBRANI 9:22

Aka podudui kon hukum in agama Yahudi, yo gogió bayongan in yagi-yagi daritanbí in dugú, bo dosa mita in motaau ampungan táe musti dugúon.

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.