SAMUEL 2 20:16 - Alkitab Singog In Mongondow Masa In Tanaa

¹⁶ Kon kotá tatua oyúon in bobay tobatú inta mobijaksana, bo sinimindog in sia kon dinding bo nomaḷú, “Indongogai! Indongogai! Poigumdon bá ki Yoab mamangoi in naa; akuoi in moibog mongonguman takinnea.”

SAMUEL 2 20:16 ပူးပေါင်းရင်းမြစ်များ

SAMUEL 2 14:2

tuamai nokioiní in sia in bobay mobijaksana tobatú inta nogutun kon Tekoa. Naonda in bobay tatua noyaput mangoi, noguman in ki Yoab kon inia, “Ki iná in musti ki ubo-uboḷmaidon nonogumatoi; pogiḷambungdon in ḷambung pinonogumatoian, bo dika momaké in ḷana mobondu. Pomiadon naonda bo bobay inta ain noonggot in nongombaḷmai kon kinopatoian in intau inta totok in kinotabinea.

SAMUEL 2 20:17

Bo namangoidon in ki Yoab bo bobay tatua noḻibó, “Ki Tuang degá in ki Yoab?” “Oo,” tubagnea. Guman in bobay tatua, “Indongogaipa in singogku naa, Tuang.” “Mopia, indongogankubí,” tubag i Yoab.

SAMUEL 2 20:22

Bo minayádon in sia takin mokaḻet nopotaau in makusudnea kon intau inta nogutun kon kotá tatua. Nopaḷut mako kon tua uḷu i Seba pinongkó bo pinogambat kon i Yoab. Onda intua nogirup in ki Yoab kon torompet bo intaunea mita in nonaḷámaidon kon kotá tatua bo nobuidon kon baḷoinea-baḷoinea. Ki Yoab in nobuidon kon Yerusalem bo minayá kon tayowon i datu.

DANIEL 2:14

Dá ki Daniel minayá nokipodungkuḷ kon i Ariokh, itoi in moḷoḷukad i datu, inta ain nosadia mopobayá in hukuman matoi tatua. Takin nokopoingat totok