SAMUEL 2 20:12 - Alkitab Singog In Mongondow Masa In Tanaa

¹² Mayat i Amasa inta nopuḻing in dugú tatua noiukat mako kon yuak in daḷan. Tontara i Yoab inta koina nokoontong kon bayongan intau inta moitaḻib in tumogonbí kon tua. Tuamai pinosínea in mayat tatua kon gobá bo kinoḷoban in daing.

SAMUEL 2 20:12 ပူးပေါင်းရင်းမြစ်များ

SAMUEL 2 17:25

Ki Absalom ain noduí kon i Amasa nobaḻí tongguḷu in tontara nonoḻiu kon i Yoab. Ki Amasa adí i Yitra intau in Ismael; ki inánea tangoinea in ki Abigail adí i Nahas, inta ki utat bobay i Zeruya ki iná i Yoab.)

SAMUEL 2 2:23

Naonda in ki Asael umuran doí mogogai, pinonakuḷ i Abner ná tumi in pandongnea, bo noitugatdon kon sian i Asael nodapot in noiḷambai kon ḻikudnea. Noobat in ki Asael poḷat minatoi kon tampat tatua. Bayongan in intau inta noiangoi kon tampat kinoobatannea tatua, sinumogon kon tua.

SAMUEL 2 20:11

Tontara i Yoab tobatú in sinimindog kon diug in mayat i Amasa bo nomaḷú, “Ki ine in momihak kon i Yoab bo kon i Daud, duduidon kon i Yoab!”

SAMUEL 2 20:13

Naonda in mayat tatua pinosídon kon daḷan, bayongan in intau nongingguputdon kon bobayáan monia dinumudui kon i Yoab sin mogaḷow kon i Seba.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.