SAMUEL 2 2:7 - Alkitab Singog In Mongondow Masa In Tanaa

⁷ Pokoroton in ginamu bo umurandon kobaḻí intau mita inta mongobarani umpaka ki datu monimu ain minatoi, táe intau mita in Yohuda ain noduí kon inakó nobaḻí datu monia.”

SAMUEL 2 2:7 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

SAMUEL 2 2:6

Tuamai, igumon mako ki Tuhan mopoontong doman in tabi bo satia-Nea kon inimu. Mopiabí doman in pogogaidku kon i monimu sin aidmu tatua.

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

SAMUEL 2 5:3

Ki Daud in nomia kon dodandian takin itoi mita in Israel tatua kon Hebron, bo dinuí monia in sia nobaḻí datu in Israel.

DATU MITA 2 11:12

Nopaḷut mako kon tua ki Yoyada in nodia mangoi kon i Yoas, bo pinopo bongkowan in mahkota in datu kon uḷunea, bo inogoian in buk in sia Hukum i Allah. Ki Yoas in dinuí nobaḻí datu bo tua in pinotaaudon kon bayongan in rayat. Komintan nonggoḷokap bo norogiow, “Kobiag datu!”

NEHEMIA 2:18

Bo inoumanku kon i monia naonda in ki Allah notuḷung kon inakó bo onu inta pinoguman i datu kon inakó. Mosia in notubag, “Koḻigai momangkoidon in kita moposindog!” Bo nosadiadon in mosia momangkoi mogaid.

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

SAMUEL 1 31:12

bo intau mita inta totok in mongobarani nobuat nongkon tua bo minayá in Bet-Sean kinoouput in doḷom tua. Pinopoponag monia in mayat i Saul bo mayat i adínea mita ḷoḷaki nongkon dinding in kotá tatua bodongka dinia monia kon Yabesh, bo sinubá monia.

SAMUEL 1 31:7

Naonda in intau mita in Israel inta nogutun kon ḻimakomai in Ḷopá in Yizreel bo kon dotá in pomukaan kon Ongkag in Yordan nokodongog kon tontara in Israel ain noḷagui, bo ki Saul takin i adínea mita ḷoḷaki ain minatoi, noḷaguidon in mosia nonaḷámai kon kotá mita monia. Bo kinawasadon in intau in Pilistin in kotá mita tatua.

SAMUEL 1 4:9

Korigon in ginamu, ei intau mita in Pilistin! Poparangdon ná ḷoḷaki, aka diá yo moiko in mobaḻídon ata in intau mita in Ibrani tatua, ná koḻipod mosia nobaḻí ki ata monimu. Tuamai in poparangdon takin kotorindog bo kobarani!”