SAMUEL 2 2:6 - Alkitab Singog In Mongondow Masa In Tanaa

⁶ Tuamai, igumon mako ki Tuhan mopoontong doman in tabi bo satia-Nea kon inimu. Mopiabí doman in pogogaidku kon i monimu sin aidmu tatua.

SAMUEL 2 2:6 ပူးပေါင်းရင်းမြစ်များ

SAMUEL 2 10:2

Bo nogumandon in ki Datu Daud, “Ki Nahas in yobayatku inta mosatia. Dá akuoi in mustibí doman moyobayat i Hanun ki adínea.” Tuamai in ki Daud nopotabádon in totabá minayá in butá in Amon sin moḻipoi kon i Hanun popisí in kinopatoian i amánea.

SAMUEL 2 15:20

Diápabí noonggot in iko in nogutun kon naa, umpaka yo iko in potabáku doman kaasí dumudui moḷagui takinku? Akuoi tontaní in diá doman nonotaau mongo kon onda in bayáanku. Pobuidon bo diádon doman in yobayatmu mita inta tobangusamu, igumon mako ki Tuhan in motabi kon inimu bo mosatia kon inimu.”

SAMUEL 2 2:7

Pokoroton in ginamu bo umurandon kobaḻí intau mita inta mongobarani umpaka ki datu monimu ain minatoi, táe intau mita in Yohuda ain noduí kon inakó nobaḻí datu monia.”

SAMUEL 2 9:3

Onda intua noḻibó in ki datu, “Oyúonpa degá in nobiag in intau nongkon motoḷuadí i Saul? Moibog in akuoi mopoaid kon inta mopia kon inia, ná inta ain pinodandiku kon i Allah.” Ki Ziba in notubag, “Oyúonpa in ki adí ḷoḷaki tobatú Yonatan. Nosedó i bobayánea.”

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.

IḶUAIAN 34:6

Onda intua ki Tuhan sinumaḻib kon tayowon i Musa bo noguman, “Akuoi ki Tuhan, in ki Allah inta nopuḻing in pia in gina bo tabi. Tabi-Ku mobarong totok, Akuoi naa in motoḷutui bo diá ḷagi tumorú.

AMSAL 14:22

Ki ine in momatuk kon inta mopia, yo pirisayaanbí bo horomaton; ki ine in monomayá kon inta moraat sia in moiḷaḻebí.

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

MATIUS 5:7

Pia in kamang in intau inta mopia in gina; sin mosia i motarima doman kon kopopia i Allah.

YOSUA 2:14

Dá toimata doyowa tatua notubag, “Kami in modandidon kon aka ogoidon i Tuhan in butá tanaa kon i nami, kopiaanbí nami in pogogaid kon i monimu, asaḷ bo diá oumanonmu kon i ineka in kami naa. Kutukonbí i Tuhan in kami aka diá totuuon nami in dandi tatua.”

RUT 1:8

ki Naomi noguman kon i mototakanea doyowa tua, “Pobuidon in kamunda kon baḷoi i iná monimu. Poigumon mako ki Tuhan in mobogoi kon onu inta mopia kon i monimu ná doman kopopia monimu kon inakó bo kon i monia inta ain minatoi tua.