SAMUEL 2 2:27 - Alkitab Singog In Mongondow Masa In Tanaa

²⁷ Ki Yoab in notubag, “Podoyon kon tangoi i Allah inta nobiag, aka kuma bo iko in diá muna nopoyaput in tosingogon, yo notantú bidon kon intauku mita in umuranbí mogaḷow kon i monimu modapot in ikoḷom doḷo-doḷom.”

SAMUEL 2 2:27 ပူးပေါင်းရင်းမြစ်များ

SAMUEL 2 2:14

Bo nogumandon in ki Abner kon i Yoab, “Igai, poyotuḷuon naton in intau naton!” “Mobaḻí,” tubag i Yoab.

SAMUEL 2 2:26

Nongkon tua nomaḷú in ki Abner kon i Yoab, “Degá umurandon in kita moparang? Diábí kinotaauanmu degá kon parang tanaa in tongábí moponabud in pait? Kami naa in ki utatmu tongobangusa. Dapotpa in toonu in pogoḷatanmu mokipogogai in intaumu mita mogaḷow kon inami?”

SAMUEL 2 2:28

Bo nogirupdon in ki Yoab kon torompet nobaḻí tompoingat kon intaunea mita sinbá mogogaidon in mogaḷow kon intau in Israel, dá noobotdon in parang tatua.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

AMSAL 17:14

Momangkoi kon rogenggeng in naonda bo mobuká kon daḷan in tubig; tuamai in undokdon wakutu in diápa momangkoi in rogenggeng.

AMSAL 20:18

Tomayá kodapotan in roraian; tuamai, dika moḷongasi aka diápa moḷutú in tomayá.

AMSAL 25:8

Dikabí ḻimika-ḻikat in modia kon pelekara kon pongadilan; sin, aka kon singgai moiduduimai bo noniatamai ikobí in noitaḷá yo onupa in motaaumu aidan?

YESAYA 47:7

Kainimu kamai dá iko in mobaḻíbí bokí kinoouput in kobiagan, bo diábí kinotaauan andeka diá norai kon kopaḷutannea.

SAMUEL 1 25:26

Ki Allah ain nogimaḷow kon i Tuangku motuḻí bo moḻimod kon musung mita i Tuang. Bo tanaa Tuangku, podoyon kon i Tuhan inta nobiag, bobantung naa in mongibot, igumon mako nasib in bayongan musung i Tuangku bo bayongan in intau inta moibog momia kon mokobodito kon i Tuangku in mobaḻídon ná nasib in Nabal.