SAMUEL 2 2:23 - Alkitab Singog In Mongondow Masa In Tanaa

²³ Naonda in ki Asael umuran doí mogogai, pinonakuḷ i Abner ná tumi in pandongnea, bo noitugatdon kon sian i Asael nodapot in noiḷambai kon ḻikudnea. Noobat in ki Asael poḷat minatoi kon tampat tatua. Bayongan in intau inta noiangoi kon tampat kinoobatannea tatua, sinumogon kon tua.

SAMUEL 2 2:23 ပူးပေါင်းရင်းမြစ်များ

SAMUEL 2 2:24

Táe ki Yoab bo ki Abisai in tantúdon nomatuk kon i Abner. Naonda in sinumoyopdon in mata in singgai, nodapotdon in mosia kon Buḷud Ama, inta kon dotá in pomukaan kon Giah, bobuion ná padang gurun Gibeon.

SAMUEL 2 20:10

Diábí inontong i Amasa in kedang kon ḻima koḷoigi i Yoab. Bo daḻídon in ki Yoab noponurak in kedangnea tatua kon sian i Amasa, dá bonu in siannea noibutak kon butá. Minatoi in sia kon dodai doman tatua, dá diá bidon paraḷu monumbuk bui in ki Yoab kon inia. Bo ki Yoab takin ki Abisai ai-ainea, in nongingguputdon nogaḷow kon i Seba.

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

SAMUEL 2 3:30

Natuata in pinototuḻí i Yoab bo i Abisai ai-ainea, sin motuḻí kon yaat in gina kon i Abner sin ki Abner in noḻimodon kon i Asael ki ai-ai monia kon pinoparangan kon Gibeon.

SAMUEL 2 4:6

Bobay moḷoḷukad kon baḷoi sinomposiug kon wakutu in yogot mondaritmai kon gandum, bo noḷoḷot. Tuamai in ki Rekhab bo ki Baana nokoḷongasi sinumuot.

SAMUEL 2 5:6

Kon singgai tobatú ki Datu Daud bo intaunea mita in nobuat sin mayá monubu kon Yerusalem. Intau in Yebus inta nogutun kon kotá tatua, in norai kon ki Daud in diábí mokotaḷow kon Yerusalem. Tuamai in mosia noguman kon inia, “Iko in diábí mokotuot mangoi kon naa; tongákabí intau mita inta bilog bo intau mita inta nongosedó yo mokountunbí kon inimu.”