SAMUEL 2 2:13 - Alkitab Singog In Mongondow Masa In Tanaa

¹³ Ki Yoab (inta ki Zeruya in tangoi i inánea) in noyotakin doman in intau i Daud nopobayá doman in kotá tatua. Doyowa nopaanan in noyodungkuḷ kon tabang Gibeon; Ki Abner bo intaunea mita in iḻimitú kon ḷoḷan magí, ki Yoab takin intaunea mita in kon ḷoḷan mako.

SAMUEL 2 2:13 ပူးပေါင်းရင်းမြစ်များ

SAMUEL 2 2:18

Ki Adí i Zeruya taya toḷu in kon tua doman, inta ki Yoab, ki Abisai bo ki Asael. Ki Asael naa in pororibatuknea in moḻikat naonda bo rusa,

SAMUEL 2 20:23

Naadon in intau mita moḷoben inta dinuí i Daud: Tongguḷu totokan in bayongan tontara in Israel: ki Yoab. Tongguḷu in tontara moḷoḷukad kon i Daud: ki Benaya adí i Yoyada.

SAMUEL 2 20:8

Naonda in mosia nodapot in batu moḷoben kon Gibeon, ki Amasa namangoi nokipodungkuḷ kon i monia. Kon dodai intua ki Yoab nogiḷambung in ḷambung parang bo nopogabit in kedangnea. Naonda in sia minayá, gumá in kedangnea tatua noḷuat nodapot in kedangnea nopamping kon ḻimanea koḷoigi.

SAMUEL 2 23:24

Naa in tangoi monia inta noituot kon “Tridasawira”. Ki Asael ai-ai i Yoab Ki Elhanan adí i Dodo intau in Betlehem Ki Sama bo ki Elika intau in Harod Ki Heles intau in Palti Ki Ira adí i Ikes intau in Tekoa Ki Abiezer intau in Anatot Ki Mebunai intau in Husa Ki Zalmon intau in Ahohi Ki Maharai intau in Netopa Ki Itai adí i Ribai intau in Gibea kon butá in suku Benyamin Ki Benaya intau in Piraton Ki Hidai intau in ḷopá mita in Gaas Ki Abial bo intau in Araba Ki Azmawet intau in Bahurim Ki Elyahba intau in Saalbon Adí mita i Yasyen Ki Yonatan Ki Sama intau in Harari Ki Ahiam adí i Sarar intau in Harari Ki Elipelet adí i Ahasbai intau in Maakha Ki Eliam adí i Ahitopel intau in Gilo Ki Hezrai intau in Karmel Ki Paerai intau in Arbi Ki Yigal adí i Natan intau in Zoba Ki Bani intau in Gad Ki Zelek intau in Amon Ki Naharai intau in Beerot, mododia kon pakakat in parang i Yoab Ki Ira bo ki Gareb intau in Yetri Ki Uria intau in Het. Mosia komintan kobayongnea in toḷu nopuḷú bo pitu in tontara inta ponango-nangoian.

SAMUEL 2 8:16

Naa in pomarenta mita moḷantud inta dinuí i Daud: Tongguḷu totokan in tontara: Ki Yoab adí i Zeruya; Momomais in komaḻig: ki Yosapat adí i Ahilud; Imang mita: ki Zadok adí i Ahitub, bo ki Ahimelek adí i Abyatar; Momomais in negara: ki Seraya

DATU MITA IMITÁNEA 1:7

Bo minayá in sia noyosingog i Yoab bo i Imang Abyatar. Ki iná in Yoab naa in ki Zeruya. Ki Yoab bo ki Imang Abyatar noibog kon onu in ḷongasion i Adonia tua.

DATU MITA IMITÁNEA 2:5

Tobatúpa doman! Kinotoropanmupabí in onu inta ain inaidan i Yoab kon inakó takin noḻimod kon porwira in Israel doyowa, ki Abner adí i Ner bo ki Amasa adí i Yeter. Sia in noḻimod kon i monia kon dodai in diá noparang sin motuḻí kon pinoḻimodan monia kon dodai in parang. Sia in noḻimod kon intau inta diá kotaḷá táe tanaa in akuoidon in musti mobaba kon oaidnea bo akuoidon in mororiga.

TAWARIKH 1 2:16

Ki Isai in kogadí doman kon adí bobay taya dua: ki Zeruya bo ki Abigail. Ki Zeruya in kogadí kon adí ḷoḷaki taya toḷu: ki Abisai, ki Yoab bo ki Asael.

YEREMIA 41:12

Dá mosia takin intau monia minayá nomatuk kon inia, bo kinotambakan monia in sia kon tabang moḷoben Gibeon.

SAMUEL 1 26:6

Onda intua ki Daud noḻibó kon i Ahimelek intau in Het tatua, bo kon i Abisai utat i Yoab (ki iná monia in ki Zeruya), “Ki ine in mokobaḻí tumuot takinku kon bonu in ḷoḷaigan i Saul?” Ki Abisai notubag, “Akuoi!”