SAMUEL 2 2:12 - Alkitab Singog In Mongondow Masa In Tanaa

¹² Kon singgai tobatú minayá in ki Abner nongkon Mahanaim nopobayá in kotá in Gibeon, sinakinan in intau i Isyboset.

SAMUEL 2 2:12 ပူးပေါင်းရင်းမြစ်များ

KINOBAḺIAN 32:2

Naonda in ki Yakub nokoontong kon i monia, sia in noguman, “Naa ḷoḷaigan i Allah,” tuamai sinangoiannea in tampat tatua Mahanaim.

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

YOSUA 10:12

Kon singgai tatua kon tungkuḷ in ki Tuhan nopountung kon intau mita in Israel nongkon intau mita in Amori, ki Yosua noyosingog i Tuhan. Bo kon tayowon in intau Israel, ki Yosua noguman, “Ei mata in singgai! Pogogaipa kon tombutung in Gibeon. Bo iko buḷan! Dikapa momamping nongkon tombutung in Ḷopá in Ayalon.”

YOSUA 10:2

Intau mita in Yerusalem in noondokdon totok, sin Gibeon tua in kotá inta moḷobenbí; notongkai in koḷoben in kotá mita inta oyúon in datu, nodapot in Gibeonbí tua in moḷobe-ḷoben in Ai. Bo intaunea mita in mongotorindog bo mongopandoi doman moparang.

YOSUA 10:4

“Koḻigai angoipa bantungai in akuoi in monubu kon Gibeon, sin mosia in nomiadon kon dodandian yoyobayatan takin i Yosua bo in intau mita in Israel.”

YOSUA 18:25

Bo mopuḷú doman bo opat in kotá noiduduimai naa takin ḻipú mita inta kon diugneamai, Gibeon, Rama, Beerot, Mizpa, Kepira, Moza, Rekem, Yirpeel, Tarala, Zela, Elep, Yebus (inta Yerusalem), Gibea bo Kiryat-Yearim. Tuata in butá mita inta inogoi kon motoḷuadí mita inta kon bonu in suku i Benyamin sin binaḻí kapunyaan monia.

YOSUA 9:3

Táe intau mita in Gibeon inta nongkon bangusa in Hewi ain nokodongog kon onu inta pinomia i Yosua kon Yerikho bo Ai.

SAMUEL 1 17:9

Aka kon poropatoian tatua, bo akuoi in koḻimodan, yo diábí mobogat in gina nami in mobaḻí atamu, táe aka akuoi in mokountung bo moḻimod kon inia, yo moikodon in mobaḻí ata nami.