SAMUEL 2 2:1 - Alkitab Singog In Mongondow Masa In Tanaa

¹ Nopaḷut mako kon tua ki Daud in noḻibó kon i Tuhan, “Tuhan degá ogoi-Mu in akuoi mayá mongawasa kon kotá tobatú in kotá kon Yohuda?” “Oo,” tubag i Tuhan. “Kotá inta táonda?” noḻibó in ki Daud. “Hebron,” tubag i Tuhan.

SAMUEL 2 2:1 ပူးပေါင်းရင်းမြစ်များ

KINOBAḺIAN 13:18

Onda intua ki Abram nomamping kon ḷoḷaigannea bodongka nogutun notantú kon diug in pangkoi in kayu mita karamat tampat pososumbaan kon Mamre kon diug in Hebron, bo kon tua sia in noposindog in Mezbah kon i Tuhan.

KINOBAḺIAN 32:2

Naonda in ki Yakub nokoontong kon i monia, sia in noguman, “Naa ḷoḷaigan i Allah,” tuamai sinangoiannea in tampat tatua Mahanaim.

SAMUEL 2 15:7

Naonda in noiḻimpatdon kon opat notaong, ki Absalom in noguman kon i Datu Daud, “Amá, ogoipa mayá in akuoi kon Hebron sin mogintompod kon dandiku kon i Tuhan.

SAMUEL 2 2:11

bo ki Daud in nomarenta kon Hebron inta kon bayongan in Yohuda pitu notaong bo tobotak in koonggotnea.

SAMUEL 2 5:19

Noḻibó in ki Daud kon i Tuhan, “Musti degá tubuonku in intau in Pilistin tatua? Degá popountung-Mu in akuoi?” “Tubudon!” tubag i Tuhan. “Popountung-Kubí in iko!”

SAMUEL 2 5:23

Komintanpa doman bui in ki Daud nopoigum in topotundú kon i Tuhan. Tubag i Tuhan, “Dika monubu kon i monia nongkon naa, táe bayádon poḻibu bo tubudon in mosia nongkon tumi, kon diug in pangkoi mita in murbei.

DATU MITA IMITÁNEA 2:11

Sia in nobaḻí datu kon bonu in opat nopuḷú notaong: Pitu notaong in kon Hebron, bo toḷu nopuḷú botoḷú notaong in kon Yerusalem.

TAWARIKH 1 29:7

Bo mosia in nobogoi in tanaa sin pakéon kon Baḷoi Tuhan tatua: buḷawan noiḻiu kon 170 no ton, saḷaka noiḻiu kon 340 no ton, bitú in gogió bo 620 no ton, bo uatoi in noiḻiu kon 3.400 no ton.

TAWARIKH 2 11:10

Zora, Ayalon bo Hebron.

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

PINOGIAPAN 13:22

Muna-munamai mosia minayá kon dotá in toḷatan butá tatua bo noiyaput kon kotá in Hebron, tampat pinogutunan in intau mita in Ahiman, Sesai bo Talmai, buí i Enak. Hebron pinosindog noiuna pitu notaong nongkon kotá in Zoan kon Mesir.

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

YOSUA 15:13

Podudui in parenta i Tuhan kon i Yosua, tongosilai in butá i Yohuda ogoi kon i Kaleb adí i Yepune nongkon suku in Yohuda. Inogoi kon inia in Hebron, kotá inta kapunyaan i Arba, ki amá i Enak.

HAKIM MITA 1:1

Naonda in ki Yosua minatoi, umat in Israel noḻibó kon i Tuhan, “Tuhan, suku táonda degá in kon sigad nami naa inta muna-munamai mayá monubu kon intau in Kanaan?”

SAMUEL 1 10:22

Tuamai noḻibó in intau mita kon i Tuhan, “Oo Tuhan, degá intau tatua kon naadon?” Tubag i Tuhan, “Ki Saul nogadop kon tumimai in barang mita touḷut.”

SAMUEL 1 23:2

Bo noḻibódon in ki Daud kon i Tuhan, “Degá musti in akuoi mayá monubu kon intau in Pilistin?” “Oo,” tubag i Tuhan, “tubudon in mosia bo posaḷamatdon in intau mita in Kehila.”

SAMUEL 1 23:4

Manangka intua komintanpa doman in ki Daud minayá nopoigum in totundú nongkon i Tuhan, bo ki Tuhan in notubag, “Dika moḻia-ḻiaw in gina. Tubudon in kotá tatua ogoi-Kubí kon inimu.”