SAMUEL 2 19:9 - Alkitab Singog In Mongondow Masa In Tanaa

⁹ Kon bonu in bayongan suku in Israel nomukádon in bobayowan. Guman monia, “Ki Datu Daud ain noposaḷamat kon inaton nongkon intau in Pilistin bo nopoḷuatdon kon inaton nongkon musung mita ibanea, táe tanaa in sia in noḷaguidon kon i Absalom bo nonaḷámai kon butá tanaa.

SAMUEL 2 19:9 ပူးပေါင်းရင်းမြစ်များ

SAMUEL 2 15:14

Bo noguman in ki Daud kon bayongan in pogawainea inta kon Yerusalem, “Koḻigai in kita mayádon nongkon naa. Tongádon naa in daya sinbá mosaḷamat in kita nongkon i Absalom. Diádon moonggot bo mamangoi in sia. Koḻikatdon, sinbá diá kobatukannea in kita bo taḷowonnea, dá bayongan in intau kon kotá in ḻimodon!”

SAMUEL 2 18:17

Onda intua mayat i Absalom binuat bo pinogonag kon bonu in parigí inta moonag kon kayuon. Parigí tatua binumbunan monia in batu nodapot in kinoḷantud. Bayongan tontara in Israel noḷagui nobui kon baḷoinea-baḷoinea.

SAMUEL 2 19:10

Ki Absalom in dinuídon naton datu, táe tanaa in minatoidon in sia kon pinoparangan. Nongonu sin diábí tobatúmai in moḷongasi modia mangoi bui kon i Datu Daud?”

SAMUEL 2 19:40

Bayongan tontara in Yohuda bo tongobotak in tontara in Israel sinumakin kon i datu iḷumoḷan kon ongkag. Noiduduimai kon tua ki datu minayádon ná Gilgal, bo ki Kimham in dinumudui kon inia.

SAMUEL 2 22:44

Pinoḷuat-Mu in akuoi nongkon inanakan inta moraat, bo binaḻí-Mu in akuoi pongawasa kon bangusa mita; bangusa inta diá kinotaauanku nobaḻí bobantungku.

SAMUEL 2 5:20

Onda intua minayádon in ki Daud kon Baal-Perasim bo sinaḷownea kon tua in tontara mita in Pilistin. Bo noguman in sia, “Ki Tuhan ain nondumpak kon poḷoḷukadan in musungku, naonda bo ḷunud noyompat kon bayongan in yagi-yagi tongá sakidap mako natua.” Tuamai in tampat tatua sinangoian Baal-Perasim.

MAZMUR 18:43

Mosia in irimumudku naonda bo ḷobud inta posirarit, bo kinaitanku naonda bo yoná kon daḷan.

IḶUAIAN 32:24

Dá pinotabákudon in mosia nodia mangoi kon ḷambá buḷawan monia, bo dinia domandon monia intua kon inakó. Bayongan ḷambá buḷawan monia tatua iḷoḷangku kon tuḷú, bo pinomiadon patong sapi tanaa!”

SAMUEL 1 17:50

Ki Daud noribatuk minayá kon i Goliat, bo sinimindog kon diugneamai; ginamánea in kedang i Goliat bo irabutnea nongkon gumánea, bo pinongkóneadon in uḷu in intau in Pilistin tatua. Natuata in pinononaḷow bo pinoḷoḻimod i Daud kon i Goliat, tongá nomaké in katipol bo batu! Naonda in intau in Pilistin nokoontong kon tontara monia inta totok in mobarani bo motorindog tatua minatoidon, noḷaguidon in mosia.

SAMUEL 1 18:25

bo ki Saul in nopotabá kon i monia noguman kon i Daud, nanaa, “Inta kinoibog i Tuang inta baḻíon buḷawan tontogot in tonibuḷoi in tongábí mogatut in kuḻit ponoitan kon intau in Pilistin, saḷaku tontuḻí kon musung i Tuang.” (Naa in nobaḻí tomayá i Saul sin moḻimod kon i Daud pongin ḻima in intau in Pilistin.)

SAMUEL 1 19:5

Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”