SAMUEL 2 19:5 - Alkitab Singog In Mongondow Masa In Tanaa

⁵ Ki Yoab minayá kon tayowon i datu bo noguman, “Kon singgai in naa ki Tuang Datu in nokopooyámai kon intau i Tuang Datu, bokaka mosiadon tua in noposaḷamat kon nyawa i Tuang Datu, nyawa in adí ḷoḷaki bo bobay i Tuang Datu, i buḷoi inta sinonibuḷoi bo inta diá sinonibuḷoi i Tuang Datu.

SAMUEL 2 19:5 ပူးပေါင်းရင်းမြစ်များ

SAMUEL 2 15:30

Nopaḷut mako kon tua ki Daud in noḷongkut kon sapatunea. Sia takin bayongan in dumoduduinea notakod kon Buḷud in Zaitun sindaḷan mongombaḷ poḷat nongoḷubung saḷaku tomponuot in monogumatoi.

SAMUEL 2 18:17

Onda intua mayat i Absalom binuat bo pinogonag kon bonu in parigí inta moonag kon kayuon. Parigí tatua binumbunan monia in batu nodapot in kinoḷantud. Bayongan tontara in Israel noḷagui nobui kon baḷoinea-baḷoinea.

SAMUEL 2 19:13

Ki Daud in nopotabá doman kon i monia moguman kon i Amasa nanaa, “Iko nion in ginaḷumkubi! Pinangkoi kon tanaa mako iko in baḻíonkudon tongguḷu totok in tontaraku momaḷui kon i Yoab. Igumon mako ki Allah in moḻimod kon inakó aka diá aidanku intua!”

SAMUEL 2 19:4

Ki datu in nogoḻingoi kon pogotnea bo mogamui noropot, “O adíku! Adíku Absalom! Absalom, adíku!”

SAMUEL 2 19:6

Ki Tuang Datu motabi kon intau mita inta mondoí kon i Tuang Datu, táe ki Tuang Datu in mondoí kon intau mita inta motabi kon i Tuang Datu! Nosimantagdon totok kon ki Tuang Datu in noponiata kon porwira mita bo tontara mita i Tuang Datu totokbí in diá in mangaḻenea kon i Tuang Datu. Sedang bo koontonganbí totok kon mopiabí totok in gina i Tuang Datu aka kuma bo singgai in naa ki Absalom in nobiagpa bo kami komintan in minatoi!

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

NEHEMIA 9:27

dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

MAZMUR 3:8

Posaḷamatpa in akuoi, o Tuhan Allahku, hukumdon bo potungkudon in bayongan in saturuku.