SAMUEL 2 19:41 - Alkitab Singog In Mongondow Masa In Tanaa

⁴¹ Onda intua namangoidon in bayongan intau in Israel kon tayowon i datu bo noguman kon inia, “Tuang datu, nongonu sin ki utat nami intau mita in Yohuda tatua in norai kon mosiabí tua in kitogi hak motomu bo moyotakin i Tuang datu takin bayongan in motoḷuadí bo intau mita i Tuang datu ḷumoḷan kon Ongkag in Yordan?”

SAMUEL 2 19:41 ပူးပေါင်းရင်းမြစ်များ

SAMUEL 2 19:11

Tosingogon mita tatua in noyaput domandon kon i Datu Daud. Tuamai in nopotabá in sia kon i Imang Zadok bo kon i Imang Abyatar bo noḻibó kon itoi mita in Yohuda nanaa, “Nongonu sin moiko in totokbí in tumi-tumimai motomu bo moyotakin i datu mobui kon komaḻignea?

SAMUEL 2 19:12

Bokaka moiko nion in tai utatku bo ginaḷumku? Paka dá moikobí in totok in tumi-tumimai mopoigum sinbá mobui in akuoi?”

SAMUEL 2 19:3

Takin diá noguman mosia nobui kon kotá, naonda bo tontara inta inangoian in oyá sin noḷagui nongkon pinoparangan.

HAKIM MITA 12:1

Kon tungkuḷ intua suku in Epraim nosadiadon sin moparang, bo minayá iḷumoḷan kon Ongkag in Yordan nopobayá ná Zapon. Mosia in noguman kon i Yepta, “Nongonu sin iko in minayá nonubu kon bangusa in Amon tongá diábí nonongganut kon inami? Tanaa in turubondon nami in iko takin tombonu in baḷoimu.”

HAKIM MITA 8:1

Intau in Epraim noguman kon i Gideon, “Nongonu sin kami in diábí inanutan kon tungkuḷ in iko nobuat sin mayá monubu kon intau in Midian? Nongonu sin pinomiamubí natua in kami?” Natuata in unsingog monia kon i Gideon.