SAMUEL 2 19:1 - Alkitab Singog In Mongondow Masa In Tanaa

¹ Pinotaaudon kon i Yoab kon ki Datu Daud in nongombaḷ bo nonogumatoi kon kinopatoian i Absalom.

SAMUEL 2 19:1 ပူးပေါင်းရင်းမြစ်များ

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

SAMUEL 2 18:12

Táe intau tatua in notubag, “Umpakabí ogoian in doit saḷaka toribu in akuoi, yo doíbí in akuoi mopoyoyigamai kon i adí ḷoḷaki i datu. Kami komintan in nokodongogbí kon onu in pinarenta i datu kon i Tuang bo kon i Abisai bo kon i Itai, sinbá diá monompaḻí kon tayowmobiag tatua sin monorop kon i datu.

SAMUEL 2 18:14

“Natuapa! Modaitdon in kasampatan tongá mobobayowan takinmu,” guman i Yoab. Bo ki Yoab nogamá kon pandong toḷu bo pinotakuḷnea kon dodob i Absalom inta nobiagpa bo noitadang mako kon tanga in kayu.

SAMUEL 2 18:20

“Dika,” guman i Yoab, “bain komintanmaidon. Singgai naa in diábí motaau in iko modia kon habar, sin ki adí ḷoḷaki i datu in minatoidon.”

SAMUEL 2 18:33

Nokodongogmai kon tua noajardon totok in gina i datu, bo noponik in sia kon yuang inta kon ḻimonik in ngara moḷoben bo nongombaḷ nogamui, “O adíku! Adíku Absalom! Absalom, adíku! Mopia-piabí kon akuoi in minatoi monoḻiu kon inimu, adíku! Absalom, adíku!”

SAMUEL 2 18:5

Bo nomarenta in ki datu kon i Yoab, kon i Abisai bo kon i Itai, kainia, “Dika tompaḻían monimu in ki Absalom tayowmobiag tatua sin monorop kon inakó.” Bayongan in tontara nokodongogbí kon parenta tatua.

SAMUEL 2 19:2

Dá kinountungan singgai tatua nobaḷui nobaḻí kinokuyangan in gina in bayongan tontara i Daud popisí in dinongogdon monia kon ki datu in nongombaḷdon kon i adínea ḷoḷaki.

AMSAL 17:25

Adí inta bodok mokosusa kon i amánea, bo mokoajar kon gina i inánea.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.