SAMUEL 2 18:8 - Alkitab Singog In Mongondow Masa In Tanaa

⁸ Pinoparangan tatua noibaya-bayádon mako kon bayongan in butá tatua, bo mobayo-bayong kon minatoi in intau sin noiḷaḻe kon kayuon noiḻiu kon inta minatoi kon pinoparangan.

SAMUEL 2 18:8 ပူးပေါင်းရင်းမြစ်များ

SAMUEL 2 18:7

Tontara in Israel sinaḷow in intau mita i Daud; Totuu moḷoben in kinotaḷowan tatua, 20.000 in intau in minatoi singgai tua.

SAMUEL 2 18:9

Kon dodai in ki Absalom sinumakoi kon bagalnea, bo daḻídon in sia noyodungkuḷ in intau i Daud. Bagal tatua in sinumaḻib kon pangkoi in kayu inta moḷoben táe noompá, dá noiandupdon in uḷu i Absalom kon tanganea tobatú. Bagalnea tatua in noribatukdon turus táe ki Absalom in kinotaḷáan bo noitadangdon mako kon tua.

DATU MITA IMITÁNEA 20:30

Intau mita inta nokoḷagui, noḷagui minayá in kotá in Apek, táe dinding in kotá tatua noumpag bo noibumbun kon 27.000 in intau kon sigad monia. Ki Benhadad in noḷagui doman minayá in kotá tatua bo nogadop kon tobatú baḷoi kon gopot dotá in bonunea.

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

MAZMUR 43:1

Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

IḶUAIAN 15:10

Táe tongá pinoginaan i Tuhan komintan nokopoangoi kon singgai nokobodito kon intau in Mesir. Mosia in noḷomot naonda bo tangat inta mobogat kon bonu in tubig inta mondangat.

AMSAL 24:21

Adíku, kotoguondokbí kon i Tuhan, bo horomatbí in datu. Dika kinodudu-duduiannea kon intau inta moḷawang kon i monia.

AMSAL 24:22

Intau ná tatua in diábí moonggot bo morimumud, popisí in bodito inta pinoangoi i Allah andeka in datu in deemanbí pelekara mointok.

YOSUA 10:11

Kon tungkuḷ in intau mita in Amori nosiḻig kon buḷud tatua sin moḷagui nongkon tontara mita in Israel, ki Tuhan nopoḷabú in uyan eis inta moḷoben nongkon ḷangit kon i monia kinoouputbí in daḷan nodapot kon Azeka. Inta minatoibí kinoḷabúan in uyan eis in mobayo-bayong nongkon inta iḻimod in intau mita in Israel.