SAMUEL 2 18:5 - Alkitab Singog In Mongondow Masa In Tanaa

⁵ Bo nomarenta in ki datu kon i Yoab, kon i Abisai bo kon i Itai, kainia, “Dika tompaḻían monimu in ki Absalom tayowmobiag tatua sin monorop kon inakó.” Bayongan in tontara nokodongogbí kon parenta tatua.

SAMUEL 2 18:5 ပူးပေါင်းရင်းမြစ်များ

SAMUEL 2 16:11

Bo ki Daud in noguman bui kon i Abisai bo kon bayongan in bobantungnea, “Ki adíkupa tontaní in moḷongasidon moḻimod kon inakó; yo nongonu sin moiko in moherangbí in mokoontong kon dodia in intau in Benyamin tanaa? Ki Tuhanbí in nopotabá kon inia mogodi-godimai kon inakó; tuamai in dikadon onuon monimu in sia bo pomayádon mako in sia mogodi-godimai.

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

SAMUEL 2 18:12

Táe intau tatua in notubag, “Umpakabí ogoian in doit saḷaka toribu in akuoi, yo doíbí in akuoi mopoyoyigamai kon i adí ḷoḷaki i datu. Kami komintan in nokodongogbí kon onu in pinarenta i datu kon i Tuang bo kon i Abisai bo kon i Itai, sinbá diá monompaḻí kon tayowmobiag tatua sin monorop kon i datu.

SAMUEL 2 19:1

Pinotaaudon kon i Yoab kon ki Datu Daud in nongombaḷ bo nonogumatoi kon kinopatoian i Absalom.

MAZMUR 103:13

Naonda bo tabi i amá kon i adínea mita, natuata in tabi i Tuhan kon intau inta motoguondok.

LUKAS 23:34

Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.