SAMUEL 2 18:23 - Alkitab Singog In Mongondow Masa In Tanaa

²³ “Diábí nongonu,” guman i Ahimaas bui, “Mayábí in akuoi.” “Aka natua, yo bayádon,” guman i Yoab. Dá noribatukdon in ki Ahimaas nongin daḷan inta tumaḻib kon Ḷopá in Yordan, bo diá noonggot kon tua kinotaḻibanneadon in ata intau in Sudan koina.

SAMUEL 2 18:23 ပူးပေါင်းရင်းမြစ်များ

SAMUEL 2 18:21

Onda intua ki Yoab noguman kon atanea intau in Sudan, “Bayádon potaau kon i datu in onu inta ain inontongmu.” Ata tatua in sinumungkud nosumba bodongka minayá noribatuk.

SAMUEL 2 18:22

Táe ki Ahimaas in nomakisa kon i Yoab, “Onuka in mobaḻí, ogoi domandon in akuoi mopoyaput in habar.” “Nongonu sin iko in totokbí in momakisa kon mayá doman, adíku?” ki Yoab noḻibó. “Iko in diábí motarima kon tondan intua.”

SAMUEL 2 18:24

Ki Daud ḻimitú mako kon yuang kon sigad in ngara dotá in bonunea bo ngara dotá in ḷuai in kotá tatua. Moḷoḷukad noponik kon dinding bo sinimindog kon atop in ḷoḻingkop in ngara tatua. Naonda in sia nobobui magí mako, inontongnea oyúon in intau tobatú namangoi sindaḷan noribatuk.

YOHANES 20:4

Taya dua tumpaḷa noribatuk, táe murí tobatú tatua in moḻika-ḻikat nongkon i Petrus, bo sia in muna nodapot kon poḷoḷobongan.