SAMUEL 2 18:18 - Alkitab Singog In Mongondow Masa In Tanaa

¹⁸ Kon wakutu in nobiagpa, ki Absalom noposindogdon kon inia in tobatú tugu kon Ḷopá in Datu, sin sia in diá kogadí kon ḷoḷaki inta mongingguput kon buínea. Tugu tatua sinangoiannea in tangoinea tontaní, bo nodapot in singgai naa tugu tatua umuran kinotaauan saḷaku tugu i Absalom.

SAMUEL 2 18:18 ပူးပေါင်းရင်းမြစ်များ

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

KINOBAḺIAN 11:9

Manangka intua kotá tatua sinangoian Babel, sin kon tuata in ki Tuhan nopotombauk in bahasa in bayongan bangusa, bo nongkon tua mosia in pinorarit i Tuhan kon dunia naa.

KINOBAḺIAN 14:17

Naonda in nonaḷow mako kon i datu Kedorlaomer takin datu mita inta notobatú, ki Abram in nobuidon. Bo datu in Sodom minayá nonontomu kon inia kon Ḷopá in Syawe inta sinangoian doman Ḷopá in Datu.

SAMUEL 2 14:27

Ki Absalom in kogadí kon ḷoḷaki toḷu bo bobay tobatú inta totok in moḷunat, ki Tamar in tangoinea.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

MAZMUR 49:11

Diá, sia in mokoontongbí kon intaukabí inta mobijaksana yo matoibí doman. Intau dondunguḷ bo pompuḷong tumpaḷabí moyopú, bo monaḷámai kon kapunyaannea kon intau ibanea.

YESAYA 22:16

“Kainimukamai dá ki inebí in iko naa? Onu in hakmu nodapot in iko nomakang kon poḷoḷobongan kon inimu kon buḷud batu?

YEREMIA 22:30

“Intau tatua ain sinantú kon kobuḻian in adínea mita bo umuran mosisí in kon kobiagannea. Nongkon buínea diábí in mokodapot kon inta mopia in kon bonu in pomarentaan kon Yohuda saḷaku datu buí i Daud. Akuoi ki Tuhan, ain nosingog.”

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

PINOGIAPAN 32:42

Ki Nobah nonubu bo nogagow kon Kenat takin ḻipú mita kon diugneamai, bo sinangoian monia Nobah, pinodudui kon tangoinea tontaní.

SAMUEL 1 15:12

Nobangon monik doḷo-doḷom, ki Samuel nobuat sin mayá mokipodungkuḷ kon i Saul. Pinotaaudon kon inia kon ki Saul ain minayá kon kotá in Karmel sin moposindog in batu mobaḻí tompoingat kon inia kon tua, bodongka mayá in Gilgal.