SAMUEL 2 17:9 - Alkitab Singog In Mongondow Masa In Tanaa

⁹ Dika-dika kon tanaa mako nogadopabí doman in sia kon bonu in angob andeka tampat ibanea. Dá, aka kuma intau i Tuang tubuon i Daud, bo oyúon in matoi, dá ki inekabí in mokodongog kon tua in mogumanbí kon intau i Absalom in sinaḷowdon.

SAMUEL 2 17:9 ပူးပေါင်းရင်းမြစ်များ

SAMUEL 2 17:10

Dá intau mita inta totok in mongotorindog bo mobarani naonda bo singa in notantúbí kon angoianbí in ondok. Sin bayongan intau in Israel in nonotaau bidon kon ki amá i Tuang tua in pahlawan, bo intaunea mita in intau doman mita inta motorindog bo mongobarani.

SAMUEL 2 17:8

Kinotaauan bidon i Tuang kon ki Daud bo intaunea mita tatua in intaubí mita inta mongotorindog bo mongobarani. Mosia tua in naonda bo kobarani in beruang kobaayan inta kinobuḻian i adínea. Apa doman ki Daud tua in tontara inta kopongalaman inta diábí dodai in onda in mosiug moyotakin in intaunea mita.

YEREMIA 41:9

Parigí tatua in parigí moḷoben inta pinomia i Datu Asa kon tungkuḷ in sia sinubu i Baesa datu in Israel.

YOSUA 7:5

Intau mita in Ai nondudur kon i monia nongkon ngara in kotá in Ai nodapot kon butá pongongaḻian kon buḷawan, bo noḻimod kon degá toḷu nopuḷú bo onom in intau kon sigad monia kon oyukmai in buḷud. Dá intau mita in Israel inangoiandon in ḻia-ḻiaw in gina bo ondok.

YOSUA 8:6

Mosia in mogaḷowdon kon inami modapot in moyayú nongkon kotá tatua, bo kai monia kamai kami in totuubí moḷagui ná koḻipod.

SAMUEL 1 22:1

Onda intua ki Daud nonaḷámaidon kon kotá in Gat bo nogadop kon angob kon diug in kotá in Adulam. Naonda in kinodongogan i guya-guyangnea mita bo in bayongan in ginaḷumnea kon ki Daud in kon tua, namangoidon in mosia kon inia.

SAMUEL 1 23:22

Bayádon bo bui indoiai kopia; taridiai kopiraan mongo kon onda in ki Daud bo ki ine inta ain nokoontong kon inia kon tua. Dinongogku kon sia tua in mokaḻet totok.

SAMUEL 1 24:3

Dá ḷagidon in ki Saul nomiḻí kon 3.000 in tontaranea inta totok in mongopia nongkon bayongan in Israel, bo nobuat notayak kon i Daud bo intaunea mita kon dotá in pomukaan kon Buḷud Batu Bembé in Kayuon.