SAMUEL 2 17:20 - Alkitab Singog In Mongondow Masa In Tanaa

²⁰ Intau mita inta pinotabá i Absalom namangoi in baḷoi tatua bo noḻibó kon bobay tatua, “Kon onda in ki Ahimaas bo ki Yonatan?” “Bagupabí in mosia minayá iḷumoḷan kon ongkag,” tubagnea. Sinayakdon monia in tayowmobiag doyowa tatua, táe diábí nouḻí monia, bo nobuidon in mosia kon Yerusalem.

SAMUEL 2 17:20 ပူးပေါင်းရင်းမြစ်များ

SAMUEL 2 15:34

Táe iko in motaaubí motuḷung kon inakó, aka iko mobui kon kotá bo moguman kon i Absalom, kon tanaa in iko in mobantungdon kon inia takin satia, ná pinobobantungmu kon i amánea koḻipod. Takin aid natua iko in mokopoyayúdon kon bayongan in tonggina i Ahitopel.

IḶUAIAN 1:19

Tubag monia, “Bobay mita in Ibrani diábí ná bobay mita in Mesir. Mosia in morotonbí in mononggadí. Kon dodai in kami diápa moiangoi adí mita monia koyongandon noiḷotang.”

IMAMAT 19:11

Dika monakow, monombodok ande monguboḷ.

HAKIM MITA 4:20

Bo ki Sisera noguman kon i Yael, “Bayádon sindog kon tayowon ngara in ḷoḷaigan. Aka oyúon in intau mamangoi bo moḻibó kon inimu mongo oyúon in intau kon naa, yo diá in kamako.”

SAMUEL 1 21:2

Ki Daud in notubag, “Akuoi ain pinopoabatan i Tuang Datu in oaidan bo diánea ogoi potaau kon i ineka in oaidan tatua. Tuamai intauku ain pinoki oḷatanku kon tampat tobatú.