SAMUEL 2 16:9 - Alkitab Singog In Mongondow Masa In Tanaa

⁹ Ki Abisai ki ai-ai i Yoab adí i Zeruya, in noguman kon i datu, “Nongonu sin pomayábí mako i Tuang in mononuyayow tatua mogodi-godimai kon i Tuang? Pomayádon mako in bobantung naa mongingguḷu kon inia!”

SAMUEL 2 16:9 ပူးပေါင်းရင်းမြစ်များ

SAMUEL 2 19:21

Nokodongogmai kon tua in ki Abisai adí i Zeruya noguman, “Ki Simei in patusbí hukumon matoi sin sia ain nogodi-godimai kon i datu inta piniḻí i Tuhan.”

SAMUEL 2 19:22

Táe ki Daud in noguman kon i Abisai bo kon i Yoab ki guya-guyangnea, “Dika kumapog. Nongonu sin moiko in moposusabímai kon inakó? Kon singgai in naa akuoi in buidon nobaḻí datu kon Israel, bo diá bidon motaau in moḻimod kon intau in Israel.”

SAMUEL 2 3:30

Natuata in pinototuḻí i Yoab bo i Abisai ai-ainea, sin motuḻí kon yaat in gina kon i Abner sin ki Abner in noḻimodon kon i Asael ki ai-ai monia kon pinoparangan kon Gibeon.

SAMUEL 2 3:8

Bo sinumorúdon totok in ki Abner poḷat noguman, “Degá kai Tuangkumai akuoi naa in mondoí bidon kon i Saul bo momihakdon kon Yohuda? Nongkon dungkuḷpabímai in akuoi ain notoindudui kon i Saul ki amá i Tuang, bo kon bayongan in ginaḷumnea takin yobayatnea mita. Akuoi in notuḷungdon kon i Tuangku nodapot in diá kinotaḷowan i Daud. Umpaka natua yo ki Tuangku in mopoompábímai kon inakó tongá popisí in bobay!

SAMUEL 2 9:8

Ki Mepiboset in sinumungkud bui bo noguman, “Onubí in mangaḻe in kobiagan in bobantung naa! Nongonu sin ki Tuang datu in ná domai tua in kopopia kon inakó bobantung naa?”

IḶUAIAN 22:28

Dika mogodi-godimai kon i Allah bo kon itoi in bangusamu.

LUKAS 9:54

Nokotaaumai kon natua in ki Yakobus bo ki Yohanes inta murí i Yesus, mosia in noḻibó nanaa, “Tuhan, moibog degá in ki Tuhan bá poigumon nami in tuḷu moḷabú nongkon ḷangit bo momutú kon i monia komintan?”

OUMAN IN RASUL MITA 23:5

Ki Paulus in notubag, “Ei utat mita, diábí kinotaauanku kon sia tua in imangbí moḷoben. Totuu kon nanaabí in pinais, ‘Donaaibí in iko mosingog kon moraat kon tobatú intau inta nobaḻí itoi monimu.’ ”

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.

SAMUEL 1 24:14

Kinotaauanbí i Tuang Datu in tangkí dungkuḷmai tanaa, ‘Aid moraat in tongábí aidan in intau moraat.’ Tuamai in akuoi in doíbí mopororiga kon i Tuang Datu.