SAMUEL 2 16:8 - Alkitab Singog In Mongondow Masa In Tanaa

⁸ Iko ain nogagow kon dodatuan i Saul! Tanaa in iko in ihukumbí i Tuhan sin noḻimod kon nobayong totok in inanakan i Saul. Ki Tuhan ain nobogoi in dodatuanmu kon i Absalom ki adímu. Tanaa in kopatoidon in iko, ei moḷoḻimod!”

SAMUEL 2 16:8 ပူးပေါင်းရင်းမြစ်များ

SAMUEL 2 1:16

Guman i Daud kon tayowmobiag intau in Amalek tatua, “Ikobí tontaní in nopoḷabú in hukuman matoi kon inimu tontaní takin nongaku kon ain iḻimodmu in ki datu inta piniḻí i Tuhan!”

SAMUEL 2 19:19

“Bobantung in mopoigum, igumon mako ki Tuang datu in diádon umuran mako mopotaḷá kon inakó. Aka motaau yo ḻiongondon i Tuang datu in onu inta inaidan in bobantung naa kon singgai kon dodai in ki Tuang datu nonaḷámai kon Yerusalem.

SAMUEL 2 19:21

Nokodongogmai kon tua in ki Abisai adí i Zeruya noguman, “Ki Simei in patusbí hukumon matoi sin sia ain nogodi-godimai kon i datu inta piniḻí i Tuhan.”

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

SAMUEL 2 21:9

Mosia in inogoidon kon intau mita in Gibeon, bo taya pitu tatua in minatoi noyotakin binambé kon tudu in buḷud kon tayowon i Tuhan. Hukuman minatoi tatua pinomia kon imbuit in sempo in pononubú, kon wakutu in momangkoidon moratab kon makoya.

DATU MITA IMITÁNEA 2:8

Soaḷ ki Simei adí i Gera nongkon kotá in Bahurim kon butá in Benyamin, oyúon doman in koyowku kon inimu. Kon binayáanku kon Mahanaim, ki Simei tua in koḻipod nogodi-godimai kon inakó totok in moraat. Táe kon singgai noiduduimai, kon dodai in sia namangoi nonontomu kon inakó kon Ongkag in Yordan, akuoi in nongibotdon kon inia pinodoyon kon i Tuhan kon diábí in akuoi moḻimod kon inia.

MAZMUR 3:2

O Tuhan, totuu mobarong in musungku, totuu mobarong in monubu kon inakó!

MAZMUR 4:2

O Allah, Ikobí in mododuḷuku; tubagaibí aka akuoi mokuani. Kon dodai in akuoi inumaan in susa; sinuḷungan-Mu in akuoi; dá tanaa kotabipa kaasí in akuoi bo indongogaipa in sambayangku.

MAZMUR 55:3

Taridiaipa in akuoi bo tubagaipa in akuoi, morumbun in ginaku popisí in kasusahanku.

MAZMUR 7:4

O Tuhan Allahku, aka kuma bo akuoi nonombogá, nogaid kon inta moraat kon yobayat, andeka nokoporugimai kon musung takin diá in kinodoyonannea, aka kuma bo inaidanku in natua,

AMSAL 26:2

Ná ḷagapan inta iḷumayug bo modondaḷoi kon ḷokutoi, natua doman in odi-odi diábí moitugat kon intau inta diá kotaḷá.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”

HAKIM MITA 9:24

Tua in nobaḻí sinbá kotuḻíandon in raat i Abimelek bo intau mita in Sikhem inta ain nomakisa kon inia sinbá moḻimod kon i adí i Gideon inta pitu nopuḷú tua.