SAMUEL 2 16:5 - Alkitab Singog In Mongondow Masa In Tanaa

⁵ Naonda in ki Daud nodapot kon Bahurim, namangoidon in intau tobatú nongkon tampat tatua, bo kodiug-kodiug kon paanan i datu, nogodi-godimai in sia kon i Daud. Tangoinea in intau tatua in ki Simei adí i Gera, nongkon inanakan i Saul.

SAMUEL 2 16:5 ပူးပေါင်းရင်းမြစ်များ

SAMUEL 2 16:14

Totokdon in noḷopí in ki datu bo intaunea mita naonda in nodapot kon Ongkag in Yordan, bo nogogai in mosia kon tua.

SAMUEL 2 16:4

Bo nogumandon in ki datu kon i Ziba, “Pinangkoidon kon tanaa bayongan kapunyaan i Mepiboset in mobaḻídon kapunyaanmu.” “Sukur moantó Tuang,” tubag i Ziba. “Igumon mako ki Tuang umuran mopia in gina kon inakó!”

SAMUEL 2 16:6

Ki Simei in nogandur in batu kon i Daud bo kon pogawainea mita, umpakabí ki Daud iḷukadan in intaunea mita bo porwiranea mita.

SAMUEL 2 17:18

Táe kon dodai intua adí ḷoḷaki tobatú inta noitongkaná in nokoontong kon i monia, bo nopotaau intua kon i Absalom. Dá mosia in iḻimikatdon minayá bo nogadop kon baḷoi in intau tobatú kon ḻipú in Bahurim. Kon diug in baḷoinea oyúon in parigí bo sinumuot in mosia kon bonunea.

SAMUEL 2 3:16

Táe ki Paltiel umuran dinumudui kon i Mikhal sindaḷan moguang. Naonda in mosia nodapot kon kotá in Bahurim, ki Abner in noguman kon inia, “Natuadon, pobuidon!” Bo nobuidon in ki Paltiel.

ESTER 2:5

Kon kotá in Susan tatua oyúon in intau in Yahudi inta tangoinea in ki Mordekhai ki adí i Yeir. Sia in buí i Kis bo i Simei nongkon suku i Benyamin.

AYUB 30:11

Popisí in binaḻí i Allah in akuoi moyangkó diá kodaya, mosia in mopoaid kon inakó in yaat in gina monia.

MAZMUR 102:8

Akuoi in diá mokosiug, naonda bo ḷagapan inta tongá sia-sia mita kon binubungan in baḷoi.

MAZMUR 109:28

Umpaka mosia in mongutuk kon inakó, igumon mako Iko in momarakat kon inakó. Umpaka simindog in mosia, mosia in pokopooyáanbímai; táe igumon mako akuoi, mogogundoi-Mu, poḷungangaan in gina.

MAZMUR 69:26

Biódon mako ḷoḷaigan monia moingongow, bo ḷoḷaigan mita monia diádon in mogogutun.

IḶUAIAN 22:27

sin tongábí totobatú tatua in oḻit in awaknea pogoḻingoi kon awak sinbá diá tumonow. Aka diá pobuionmu bui kon inia, yo onupabí in pakéonnea kon wakutu in sia mosiugdon? Aka sia mokuani sin mokituḷung kon i-Nakó, dá indongogan-Kudon in sia sin motabi Akuoi kon inia.

IḶUAIAN 22:28

Dika mogodi-godimai kon i Allah bo kon itoi in bangusamu.

AMSAL 26:2

Ná ḷagapan inta iḷumayug bo modondaḷoi kon ḷokutoi, natua doman in odi-odi diábí moitugat kon intau inta diá kotaḷá.

MOHOHUTUBA 10:20

Dika mogodi-godimai kon datu, umpaka tongá kon bonu in gina. Dika moposingog-singogmai kon intau nooyúon, umpakabí kon tosiuganmu tontaní. Sin dika bo oyúon in ḷagapan nokodongog kon onu in siningogmu, bo bayáannea potaau kon intau inta siningogmu tua.

YESAYA 8:21

Intau mita inta noiḷangkam bo ginogoi in nobaya-bayáanbí mako in kon butá tatua. Popisí in malarat in kaanon, mosia in umuran tumorú nodapot in mopogodi-godimai kon datu bo kon Allah monia. Kon ondaka in pobobuian monia, moidamonik

SAMUEL 1 17:43

Guman i Goliat kon i Daud, “Pongonubí in tungkud tanion? Degá kainimu kamai akuoi naa in ungkúbí?” Bo inodi-odiannea in ki Daud pinodoyon kon dewanea mita.