SAMUEL 2 16:3 - Alkitab Singog In Mongondow Masa In Tanaa

³ Bo noḻibó in ki datu kon inia, “Kon onda in ki Mepiboset ki ompu i tuangmu ki Saul?” “Tuapabí in sia kon Yerusalem,” tubag i Ziba, “sin noyakinbí in sia kon tanaa intau in Israel mopobuidon in dodatuan i Saul ki akinea kon inia.”

SAMUEL 2 16:3 ပူးပေါင်းရင်းမြစ်များ

SAMUEL 2 16:4

Bo nogumandon in ki datu kon i Ziba, “Pinangkoidon kon tanaa bayongan kapunyaan i Mepiboset in mobaḻídon kapunyaanmu.” “Sukur moantó Tuang,” tubag i Ziba. “Igumon mako ki Tuang umuran mopia in gina kon inakó!”

MAZMUR 101:5

Intau inta umuni-uni moponapud in uboḷ in putúanbí. Intau inta moḷoḷatú bo motosiḷantud in diábí pomayáku mako.

MAZMUR 15:3

inta diá noponapud in uboḷ kon tumpaḷa intau, diá mopoaid in moraat kon yobayat, bo diá moporaa-raatmai kon tangoi in topodiugneamai;

MAZMUR 88:18

Kinoouput in singgai torú-Mu naonda bo ḷunud noiḻibu kon inakó, noḻipung kon inakó nongkon bayongan tampat.

IḶUAIAN 20:16

Dika moponapud in uboḷ kon intau ibanea.

AMSAL 1:19

Totuu, intau inta motayak kon pakéon pongin aid inta moraat, yo nyawaneabí tontaní in toḻiunea.

AMSAL 21:28

Sakusi inta mouboḷ in diábí pirisayaan; táe tosingogon in intau inta nonotaau in kinobobaḻí in pelekara, in tarimaanbí.

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

YUDAS 1:11

Mobodito in mosia! Mosia in dinumuduidon kon onu inta inaidan i Kain. Inta tongá popisí in bá mokouḻí kon doit, dá nogaidon kon onu inta diá kinoibog i Allah, ná doman ki Bileam. Bo mosia tua in irimumud doman popisí in nomarontak ná ki Korah.