SAMUEL 2 16:22 - Alkitab Singog In Mongondow Masa In Tanaa

²² Dá, pinomiaandon in ki Absalom kon ḷoḷaigan kon tudu in atop in komaḻig inta notondodai tatua. Bo koonto-ontongbí in bayongan intau ki Absalom in sinumuot kon bonu in ḷoḷaigan tatua bo nosiug takin i buḷoi mita i amánea.

SAMUEL 2 16:22 ပူးပေါင်းရင်းမြစ်များ

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

SAMUEL 2 11:2

Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.

SAMUEL 2 15:16

Bo nobuatdon in ki datu kotaki-takin in bayongan motoḷuadínea bo pogawainea, koḻikudon in mopuḷú in buḷoi inta diá inikanea inta sinaḷáannea sin moḷukad kon komaḻig.

SAMUEL 2 20:3

Naonda in ki Daud noyaput kon komaḻignea kon Yerusalem, bobay mopuḷú inta diá inika i datu inta sinaḷáan sin moḷukad kon komaḻig, pinoutunnea kon bonu in baḷoi inta iḷukadan in moḷoḷukad. Onu in pakéon monia sia in nopooyúon, táe diádon in ki Daud kon dodai in onda in nosiug takin i monia. Mosia tua in pinopoyayúdon bo kobiagan monia in naonda bo dongkadon boba-bobay nodapot in minatoi.

YESAYA 3:9

Dodia monia inta moḷoḷatú moponiata kon aid monia inta moraat. Koonto-ontong mako mosia in mogaid kon dosa naonda bo intau in Sodom dungkuḷmai. Mobodito in mosia! Mosia in mopoangoi in bodito kon i monia tontaní.

YEREMIA 3:3

Tuamai in tubig nongkon ḷangit diá moḷabú, bo uyan kon sempo in pononubú diá doman moiango-angoi. Iko in naonda bo bobay sundaḷ, bo diá kotoguoyá.

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

YEHEZKIEL 24:7

Kon kotá tatua oyúon in poḻimodan, táe dugú in kurubannea diá noibutak kon butá, táe kon tudubí in batu inta motogat, dá diá motaau bumbunan.

PINOGIAPAN 25:6

Kon dodai in ki Musa bo bayongan in umat mogamuimai kon tayowon in Ḷoḷaigan i Tuhan, mosia in nokoontong kon intau in Israel tobatú nodia kon bobay in Midian tobatú sinumuot kon bonu in ḷoḷaigannea.

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.