SAMUEL 2 16:16 - Alkitab Singog In Mongondow Masa In Tanaa

¹⁶ Naonda in ki Husai yobayat i Daud inta mosatia tua noyodungkuḷ i Absalom, ki Husai in nomaḷú, “Kobiag datu! Kobiag datu!”

SAMUEL 2 16:16 ပူးပေါင်းရင်းမြစ်များ

SAMUEL 2 15:32

Kon dodai in ki Daud nodapotdon kon tudu totok in buḷud kon tampat inta biasamai poibadaan kon i Tuhan, sinontomu in sia in yobayatnea inta mosatia, inta ki Husai intau in Arki. Ḷambung i Husai noberak bo nopoinggú in ḷobud.

SAMUEL 2 15:34

Táe iko in motaaubí motuḷung kon inakó, aka iko mobui kon kotá bo moguman kon i Absalom, kon tanaa in iko in mobantungdon kon inia takin satia, ná pinobobantungmu kon i amánea koḻipod. Takin aid natua iko in mokopoyayúdon kon bayongan in tonggina i Ahitopel.

SAMUEL 2 15:37

Dá nobuidon in ki Husai yobayat i Daud tatua kon Yerusalem, noitombutung kon tungkuḷ in ki Absalom nodapot kon tua.

DATU MITA IMITÁNEA 1:25

Singgai naa doman sia in noposumbadon in domba mobayong, sapi koḷakian bo ki adí in sapi inta mongoḷomumu. Bayongan adí ḷoḷaki i tuang datu ain inoinínea. Ná doman tua in Tongguḷu totok in tontara mopoparang i tuang datu, bo ki Imang Abyatar. Tanaa mako mosia in yogotdon morame takinnea bo morogiow in moguman, ‘Mobiag in ki Datu Adonia!’

DATU MITA IMITÁNEA 1:34

Kon tua ki Zadok bo ki Natan in musti moduí kon inia mobaḻí datu in Israel. Mopaḷut mako kon tua moiko in musti mogirup kon torompet bo mobaḷu, ‘Mobiag in ki Datu Salomo!’

DATU MITA 2 11:12

Nopaḷut mako kon tua ki Yoyada in nodia mangoi kon i Yoas, bo pinopo bongkowan in mahkota in datu kon uḷunea, bo inogoian in buk in sia Hukum i Allah. Ki Yoas in dinuí nobaḻí datu bo tua in pinotaaudon kon bayongan in rayat. Komintan nonggoḷokap bo norogiow, “Kobiag datu!”

DANIEL 2:4

Mosia in notubag kon bonu in singog in Aram, “Kobiagdon Tuangku modapot in mononoi! Oumandon in togoindop tatua kon inami, dá insilangandon nami in mangaḻenea.”

DANIEL 5:10

Nokodongogmai kon karak mita i datu bo in intaunea mita moḷoben, ki iná i datu sinumuot kon yuang bobutungan tatua. Bo sia in noguman, “Mobiagdon in ki Tuangku modapot in mononoi! Pokoonow in gina i Tuangku bo dikabí mobilai.

DANIEL 6:21

Noiyaputmai intua, nokuuk in sia táe takin ḻia-ḻiaw in gina, “Daniel, mogogundoi i Allah inta nobiag! Degá ki Allahmu inta sinumbamu totu-totuu tua in nokoposaḷamatdon kon inimu nongkon singa mita tatua?”

DANIEL 6:6

Bo mosia in noguman, “Kita in tongábí mokouḻí kon taḷá i Daniel kon soaḷ agamanea.”

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

SAMUEL 1 10:24

Onda intua ki Samuel noguman kon rayat, “Naadon in intau inta piniḻí i Tuhan, diábí in poḻiu kon sigad naton komintan.” Bayongan in bangusa tatua norogiow, “Mobiag datu!”