SAMUEL 2 16:12 - Alkitab Singog In Mongondow Masa In Tanaa

¹² Degá bo umuranbí indoian mako i Tuhan in roriga tanaa bo momarakat kon inakó nobaḻí toḻiu in odi-odi tatua.”

SAMUEL 2 16:12 ပူးပေါင်းရင်းမြစ်များ

SAMUEL 2 16:13

Bo nongingguputdon kon bobayáan in ki Daud takin tumotakinnea, táe ki Simei in iḻimikat in nogaḷow kon i monia kon aḻet in buḷud sindaḷan mogodi-godi bo mopogandur in batu bo butá.

DATU MITA 2 19:4

Ki Datu in Asyur in nopotabádon in porwiranea moḷantud tobatú sin mopoompámai kon i Allah inta nobiag. Dika-dika bo kinodongogandon i Tuhan Allahmu in singog nopoompámai tatua, bo mohukumdon kon i monia inta nosingog tatua! Tuamai in posambayangdon kon i Allah sin kobiagan in intau mita naton inta nobiagpa.”

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 109:28

Umpaka mosia in mongutuk kon inakó, igumon mako Iko in momarakat kon inakó. Umpaka simindog in mosia, mosia in pokopooyáanbímai; táe igumon mako akuoi, mogogundoi-Mu, poḷungangaan in gina.

MAZMUR 132:1

Dondong mayá in Baḷoi Tuhan. O Tuhan, toropdon in ki Daud, bo bayongan in roriganea.

MAZMUR 25:18

Tondudutdon in roriga bo susahku, bo ampungaidon kaasí in bayongan in dosaku.

AMSAL 25:22

Aidmu natua mokopooyámai kon inia bo barakatan i Tuhan in iko.

AMSAL 26:2

Ná ḷagapan inta iḷumayug bo modondaḷoi kon ḷokutoi, natua doman in odi-odi diábí moitugat kon intau inta diá kotaḷá.

YESAYA 27:7

Ki Tuhan in mohukum kon umat-Nea diábí ná kobogat in pohohukum-Nea kon bangusa mita inta nosaturu kon i monia. Sia in diábí moḻimod kon umat-Nea ná pinoḷoḻimod-Nea kon musung-Nea.

YOËL 2:14

Dika-dika ki Tuhan Allahmu mobaḷui in gina, bo mobogoi in barakat mobayong totok kon i monimu. Dá moiko in motaau moposumba in kuruban anggur bo gandum kon i Tuhan Allahmu.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

KORINTUS 2 4:17

Sin yoyiga inta diá mobogat totok naa, inta tantú korasaan nami tanaa in mobogoibí in kopiaan mononoi, moiḻiu kon rupa-rupa roriga inta kinorasaan nami tontaní.

ULANGAN 23:5

Táe ki Tuhan Allahmu in doíbí nokidongog kon i Bileam. Táe binaḷuian-Neabí in kutuk tatua nobaḻí barakat, sin motabi in Sia kon i monimu.

ULANGAN 23:6

Kon bonu in kobiagan monimu bo modapot in toonuka, dikabí motuḷung kon bangusa mita tatua ande baḻíon monimu mobiag motompia in mosia.

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

IBRANI 12:10

Aka guyanga naton kon dunia naa in motundú yo noterbatasbí sin tongábí onu inta inanggap monia mopira. Táe aka ki Allah in motundú yo tua in kopiaanbí naton tontaní. Sinbá kita in mokouḻí doman kon silai inta mopia nongkon i-Nia.

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”