SAMUEL 2 15:8 - Alkitab Singog In Mongondow Masa In Tanaa

⁸ Sin kon dodai in akuoi nogutunpa kon Gesur butá in Siria, nodandi in akuoi kon mayá moibada kon i Tuhan kon Hebron aka ogoi-Nea in akuoi mobui kon Yerusalem.”

SAMUEL 2 15:8 ပူးပေါင်းရင်းမြစ်များ

SAMUEL 2 14:23

Bo minayádon in ki Yoab kon Gesur sin mogamá kon i Absalom mobui kon Yerusalem.

SAMUEL 2 14:32

Tubag i Absalom, “Popisí in doí in iko mamangoi wakutu in pinoki oiníku. Akuoi in moibog mopotabá kon inimu mayá kon tayowon i datu bo mopotaau in tosingogonku tanaa, ‘Onubí in mangaḻenea akuoi in nonaḷámai kon Gesur bo nobui mangoi kon naa? Maníka nogutundon in akuoi kon tua.’ ” Bo guman doman i Absalom bui, “Ḷongasidon sinbá motaau in akuoi mayá kon tayowon i datu, bo aka akuoi tantúpa doman inanggap kotaḷá, yo mosadiabí in akuoi hukumon matoi.”

SAMUEL 2 15:9

Tubag i datu, “Bayádon takin saḷamat.” Bo nobuatdon in ki Absalom minayá in Hebron.

SAMUEL 2 3:3

Ki Kileab. Ki inánea in ki Abigail, ki baḷú i Nabal nongkon Karmel. Ki Absalom. Ki inánea in ki Maakha, adí bobay i Datu Talmai nongkon Gesur.

MAZMUR 56:12

Akuoi in mopirisaya kon i-Nia, dá diábí in akuoi moondok, intau in diábí mokopongonu kon inakó.

MOHOHUTUBA 5:4

Mopia-piabí kon diá modandi bo dika in modandi bo diá intompodan.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YEREMIA 42:20

kon moiko in nogaidon kon taḷá moḷoben. Moiko in nopoigum sinbá akuoi in mosambayang kon i Tuhan Allah naton sin kopontingan monimu, bo moiko in nodandi kon dumuduibí kon bayongan inta pinoguman i Tuhan.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”

SAMUEL 1 16:2

Táe ki Samuel in notubag, “Naonda in pogogaidku? Aka kodongogan i Saul intua, yo notantú bidon kon ḻimodonnea in akuoi!” Ki Tuhan in notubag, “Podiadon kon sapi batánea tobatú, bo potaaudon kon rayat kon iko in mayá intua sin moposumba in kuruban kon i Tuhan.