SAMUEL 2 15:7 - Alkitab Singog In Mongondow Masa In Tanaa

⁷ Naonda in noiḻimpatdon kon opat notaong, ki Absalom in noguman kon i Datu Daud, “Amá, ogoipa mayá in akuoi kon Hebron sin mogintompod kon dandiku kon i Tuhan.

SAMUEL 2 15:7 ပူးပေါင်းရင်းမြစ်များ

SAMUEL 2 3:2

Moiduduimai naa in adí mita ḷoḷaki i Daud inta pinononggadí kon Hebron, Ki Amnon. Ki inánea in ki Ahinoam nongkon Yizreel.

SAMUEL 2 3:3

Ki Kileab. Ki inánea in ki Abigail, ki baḷú i Nabal nongkon Karmel. Ki Absalom. Ki inánea in ki Maakha, adí bobay i Datu Talmai nongkon Gesur.

AMSAL 21:27

Ki Tuhan in doíbí kon sosumba in intau inta moraat, apa doman aka pinosumba pinongin makusud inta mokooyá.

YESAYA 58:4

Koyogot in mopuasa, mobobayowan in moiko bo moropatoi bo mopobayá in oaidan takin romú. Kai monimu kamai dá popopuasa monimu in mokoḻiaibí kon gina-Ku sinbá mokidongog kon sambayangmu mita?

MATIUS 2:8

Onda intua pinotabánea in intau mita in Mayusi tatua minayá in Betlehem, takin koyow: “Bayá bo tayakdon kotaḻit adí tatua, bo naonda i mouḻí monimu in Sia, ḷagi angoi poguman kon inakó sinbá akuoi mamangoi doman mosumba kon i-Nia.”

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.