SAMUEL 2 15:6 - Alkitab Singog In Mongondow Masa In Tanaa

⁶ Natuata in aid i Absalom kon bayongan in intau inta mamangoi mopongadu in pelekaranea kon i datu, bo aidnea tatua in mogamá kon gina in intau in Israel.

SAMUEL 2 15:6 ပူးပေါင်းရင်းမြစ်များ

SAMUEL 2 15:13

Onda intua intau tobatú namangoi nopotaau kon i Daud, kainia, “Intau mita in Israel nomihakdon kon i Absalom.”

AMSAL 11:9

Pongongumanan in intau moraat in mokoyopú; hikmat in intau mopia in mokosaḷamat.

MOHOHUTUBA 4:15

Iraiku in bayongan intau kon dunia naa, dá nosadardon in akuoi kon naanta kon sigad monia tua in notantúbí kon oyúon in tayowmobiag in momaḷui kon datu.

DANIEL 11:21

Malaekat tatua in noguman bui, “Datu moiduduimai inta nomarenta kon butá in utuan in intaubí biasanea inta deeman bui in datu. Táe sia in mamangoibí kon wakutu inta diá binutu-butungmai bo mogagow kon ḷoḻitúan in datu pinongin akaḷnea.

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.