SAMUEL 2 15:4 - Alkitab Singog In Mongondow Masa In Tanaa

⁴ Bo sia in moguman doman, “Aka akuoi in mobaḻí hakim, dá pomuḷoi in intau inta oyúon in yogenggeng andeka tuntutan yo motaaubí in mamangoi kon inakó bo moadilbí in pononantúku.”

SAMUEL 2 15:4 ပူးပေါင်းရင်းမြစ်များ

SAMUEL 2 15:5

Aka oyúon in intau in dimiug kon i Absalom sin tumungkud mosumba kon inia, dá ki Absalom mopoabat in ḻimanea bo gakapannea poḷat ayokannea.

AMSAL 25:6

Aka mayá kon tayowon in datu yo koompá in dodia, dika tumangoi intau inta koḷoḻitúan moḷantud.

AMSAL 27:2

Dikabí dumuí tontaní; biódon mako in intau ibanea in modayow kon inimu, modapotbí in intau inta diá kinotaauanmu.

PETRUS 2 2:19

Mosia tua in mopodandi in kasaḷamatan kon intau ibanea, bokaka mosia tontaní ain nobaḻí ki ata in oaid mita inta diá mopia inta mokogoguyaat kon intau. Sin aka tobatú intau bo sinaḷowdon in tobatú kawasa dá sia in mobaḻí bidon ata in kawasa inta nokotaḷow kon inia tua.

HAKIM MITA 9:29

“Aka kuma akuoi in nobaḻí itoi in intau mita in Sikhem naa, yo notantú bidon kon nopaḷut bidon in kinobiagan i Abimelek tua! Bain pogumanku kon inia, ‘Igai mayá! Oinídon mita in tontaramu bo koḻigai kita mayá moparang!’ ”