SAMUEL 2 15:3 - Alkitab Singog In Mongondow Masa In Tanaa

³ dá ki Absalom in moguman, “Podudui in hukum, iko in noitutui, táe nokotabian yo diá in oḻit i datu in moibog mokidongog kon onu in pinongadumu.”

SAMUEL 2 15:3 ပူးပေါင်းရင်းမြစ်များ

SAMUEL 2 15:4

Bo sia in moguman doman, “Aka akuoi in mobaḻí hakim, dá pomuḷoi in intau inta oyúon in yogenggeng andeka tuntutan yo motaaubí in mamangoi kon inakó bo moadilbí in pononantúku.”

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

IḶUAIAN 21:17

Ki ine in mogodi-godimai kon i amá ande kon i inánea, musti hukumon matoi.

AMSAL 12:2

Intau mopia kinosanang i Tuhan, táe intau inta monomayá kon inta moraat in motarimabí kon hukuman.

AMSAL 30:11

Oyúon in intau mogodi-godimai kon i amánea bo diá mohoromat kon i inánea.

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

DANIEL 11:21

Malaekat tatua in noguman bui, “Datu moiduduimai inta nomarenta kon butá in utuan in intaubí biasanea inta deeman bui in datu. Táe sia in mamangoibí kon wakutu inta diá binutu-butungmai bo mogagow kon ḷoḻitúan in datu pinongin akaḷnea.

PINOGIAPAN 16:3

Mosia noyotakin minayá kon tayowon i Musa bo i Harun bo noguman, “Mobaḻídon in natua, Musa! Bayongan umat in Israel pinotondídon kon i Tuhan, bo ki Tuhan kon yua-yuakdon naton komintan. Táe nongonu sin iraimubí kon iko in moḷantu-ḷantud nongkon umat i Tuhan?”

MATIUS 15:4

Ki Allah aindon noguman, ‘Horomatdon in ki amá bo ki inámu,’ bo ‘Ki ine in mogodi-godimai kon i amánea bo kon i inánea yo musti hukumon matoi.’

OUMAN IN RASUL MITA 23:5

Ki Paulus in notubag, “Ei utat mita, diábí kinotaauanku kon sia tua in imangbí moḷoben. Totuu kon nanaabí in pinais, ‘Donaaibí in iko mosingog kon moraat kon tobatú intau inta nobaḻí itoi monimu.’ ”

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.

PETRUS 2 2:10

torutama intau mita inta tantú dinumudui kon ibog in awak monia inta mokotor bo inta moningkuḻe kon kawasa i Allah. Ná domai tua in kobobarani monia bo koḷoḷatú in intau mita inta mongaku guru mita tatua, sahingga in diábí moondo-ondok in mosia moningkuḻe kon mahaḷuk mita in soroga inta momulia!