SAMUEL 2 15:23 - Alkitab Singog In Mongondow Masa In Tanaa

²³ Bayongan in intau nongombaḷ totok naonda in tontara mita i Daud nonaḷámai kon kotá. Onda intua ki datu iḷumoḷan kon tapá in Ongkag in Kidron dinuduian in bayongan in tontaranea, bo minayádon in mosia nopobayá ná padang gurun.

SAMUEL 2 15:23 ပူးပေါင်းရင်းမြစ်များ

SAMUEL 2 15:22

“Mopia!” tubag i Daud, “Bayádon turus!” dá minayádon in ki Itai noyotakin in bayongan in tontaranea bo motoḷuadí monia.

SAMUEL 2 15:28

Bain oḷatonku kon diug in ḷoḷoḷanan mita kon ongkag kon padang gurun modapot in mokouḻí kon habar nongkon inimu.”

SAMUEL 2 16:2

Ki Datu Daud in noḻibó kon inia, “Pongonu in naa komintan?” Tubag i Ziba, “Keledai mita tanaa in biag inta baḻíon totakoian in motoḷuadí i Tuang datu, roti bo bungai mita in ayop tanaa in ogoi kon bobantung mita i Tuang datu, bo tubig in anggur tanaa in ogoi kon i monia inta ain noḷopí kon padang gurun.”

DATU MITA IMITÁNEA 15:13

Ki baainea, ki Maakha in pinogogainea nongkon ḷoḻitúannea nobaḻí iná in datu sin sia in nomiadon kon patong berhala inta moraat sin mosumba kon i Asyera, dewi inta mokoḷumbá. Inumpag i Asa in berhala tatua bo poḷat sinubá kon Ḷopá in Kidron.

DATU MITA IMITÁNEA 2:37

Aka iko mokobaḻí ḷumuai bo mayá ḻimimpat kon tapá in Ongkag in Kidron, yo iko in mustibí ḻimodon; bo ikodon tontaní in motanggung kon taḷá tatua.”

YEREMIA 31:40

Sinangkub in ḷopá tatua, inta pinaké saḷaku poḷoḷobongan bo tampat poḷoḷumbúan kon apat, bo bayongan in gobá tudunea kon bingkí in Ongkag in Kidron modapot kon Bonawang in Kabaḷo mopobayá ná pomukaan, in pinotondídon kon i-Nakó. Kotá in Yerusalem in diábí rumbunon bui andeka rimumudon.”

MATIUS 3:1

Kon wakutu intua ki Yohanes Mobobaptis namangoidon kon padang gurun Yudea, bo nopoyaput in koyow nanaa,

MATIUS 3:3

Ki Yohanesbí naa inta pinopomakusudan in singog i Nabi Yesaya nanaa: “Oyúon intau inta nobaḷú kon padang pasir: Sadiadon daḷan kon i Tuhan, tuḻidon in daḷan kon i-Nia.”

LUKAS 1:80

Ki adí i Zakharia tatua kodugang-kodugangdon in koḷobennea bo rohonea in koropot-koropot domandon. Bo sia in umuran nogutun kon padang gurun nodapot in singgai inta aindon sinantú kon pokipogontongannea kon intau in Israel.

YOHANES 18:1

Naonda in ki Yesus nosambayang mako natua, Sia takin murí-Nea mita minayádon kon ḷoḷan Ongkag in Kidron. Kon tua oyúon in tobatú taman, bo ki Yesus takin murí-Nea mita sinumuot kon taman tatua.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.