SAMUEL 2 15:2 - Alkitab Singog In Mongondow Masa In Tanaa

² Pomuḷoi in singgai ki Absalom in mobangon doḷo-doḷom bo simindog kon bingkí in daḷan kon diug in ngara moḷoben in komaḻig. Pomuḷoi in intau inta mamangoi mopotaau in pelekaranea kon i datu, oiníon bo ḻibóon i Absalom, kainia, “Nongkon suku táonda in iko?” Bo aka intau tatua motubag, “Nongkon suku tanaa andeka tatua,”

SAMUEL 2 15:2 ပူးပေါင်းရင်းမြစ်များ

KINOBAḺIAN 34:20

Onda intua ki Hemor bo ki Sikhem minayá kon tampat poyoyodungkuḷan kon ngara in kotá, bo nopotaau kon bayongan intau kon kotá monia, nanaa in guman monia tua:

SAMUEL 2 19:8

Onda intua sinimindogdon in ki datu bo iḻumuai, bo iḻimitú kon diug in ngara. Intaunea mita nokodongogdon kon sia in kon tua, bo namangoidon in mosia komintan kon tayowonnea. Bo kon dodai intua bayongan in tontara in Israel noḷaguidon mita, bo nobuidon kon baḷoinea-baḷoinea.

TAWARIKH 2 10:7

Mosia in notubag, “Aka moibog in ki Tuang mogaid kon inta mopia kon rayat, bo moposanang in gina monia, dá tubagaidon in inta mopia in mosia, dá mosia in motoinduduibí kon i Tuang dapot in mononoi.”

AYUB 24:14

Kon dodai in modiug mobayag ki moḷoḻimod in mobangon nongkon pinosiugannea, bo ḷumuai moḻimod kon intau inta moyangkó, bo kon dodai in diápa mobayag, sia in umado-adop naonda bo mononakow.

IḶUAIAN 18:14

Naonda in ki Yitro nokoontong kon bayongan inta musti aidan i Musa, noḻibó in sia, “Onu mako in musti aidanmu kon sigad in bangusa tanaa? Eta musti iko doman tontaní in mogaid kon tua mita, modapot in tongáka mopoigum in tonggina yo intau mita in mustibí simindogpa mako kon naa bo mogoḷat nongkon doḷo-doḷom dapot in doḷom?”

IḶUAIAN 18:16

Aka mosia moyogintaḷá, mosia mamangoi in kon inakó sinbá momaḷut kon pelekara monia, bo potaauku kon i monia in parenta bo hukum mita i Allah.”

IḶUAIAN 18:26

Mosia nopobayá in oaidan monia mobaḻí hakim mita kon bangusa Israel. Aka pelekara mita inta moponting dá tua in diaan monia kon i Musa, táe aka tongá yogogintaḷaan mita inta mogaan paḷutondon monia tontaní.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

DANIEL 11:21

Malaekat tatua in noguman bui, “Datu moiduduimai inta nomarenta kon butá in utuan in intaubí biasanea inta deeman bui in datu. Táe sia in mamangoibí kon wakutu inta diá binutu-butungmai bo mogagow kon ḷoḻitúan in datu pinongin akaḷnea.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

ULANGAN 17:8

Aka oyúon in pelekara inta diá motaau putuson in hakim mita kon tua sin totuu mororiga, umpamanea pelekara poḻimodan inta sinuod ande diá sinuod, bobayowan soaḷ kapunyaan ande mositompaḻían kon awak, yo moiko in mustibí mayá kon tampat inta piniḻí i Tuhan Allahmu.

RUT 4:1

Ki Boas minayá in tampat pinoyodungkuḷan kon ngara moḷoben in kotá. Naonda in sia iḻimitú kon tua noitaḻibdon in ḷoḷaki tobatú inta kon raian i Boas sia tua in ginaḷum i Elimelekh inta totokpa in modagin. Bo inoiní i Boas in sia, “Utatku, koḻigai ḻimitúpa kon naa!” Intau tatua in namangoi, bo iḻimitú.