SAMUEL 2 15:18 - Alkitab Singog In Mongondow Masa In Tanaa

¹⁸ Bayongan in pogawai i datu in sinimindog kon ḻimakonea kon dodai in tontara moḷoḷukad kon i datu nopipid sinumaḻib kon inia. Bo onom nogatut doman in tontara inta dinumudui kon inia nongkon Gat, nopipid kon tayowonnea.

SAMUEL 2 15:18 ပူးပေါင်းရင်းမြစ်များ

SAMUEL 2 15:17

Kon dodai in ki datu bo bayongan in tumotakinnea minayá nonaḷámai kon kotá, mosia nogogai kon diug in baḷoi inta pangabisan totok.

SAMUEL 2 18:2

Nopaḷut mako kon tua pinotabáneadon in mosia minayá noparang kon bonu in toḷu nopaanan, paanan mita tatua in kon bonu in tongganut i Yoab, i Abisai ki ai-ai Yoab bo Itai intau i Gat. Guman i datu kon intaunea, “Akuoi in mayá doman moyotakin monimu.”

SAMUEL 2 20:23

Naadon in intau mita moḷoben inta dinuí i Daud: Tongguḷu totokan in bayongan tontara in Israel: ki Yoab. Tongguḷu in tontara moḷoḷukad kon i Daud: ki Benaya adí i Yoyada.

SAMUEL 2 20:7

Dá kon bonu in tongganut i Abisai, tontara i Yoab bo tontara inta moḷoḷukad kon i datu bo bayongan in tontara ibanea nobuat nongkon Yerusalem sin mogaḷow kon i Seba.

SAMUEL 2 6:10

Tuamai in doídon in sia modia kon Poti in Dodandian tatua mayá in Yerusalem, táe sinagúneadon kon baḷoi i Obed-Edom intau in Gat.

SAMUEL 2 8:18

Tongguḷu in moḷoḷukad tontaní i datu: ki Benaya adí i Yoyada; Imang mita kon komaḻig: ki adí mita ḷoḷaki i Daud.

DATU MITA IMITÁNEA 1:38

Dá ki Zadok, ki Natan, ki Benaya bo moḷoḷukad i datu nogumandon kon i Salomo kon tumakoidon kon bagal i datu, bo dinia monia minayá in bokaká in tubig in Gihon.

SAMUEL 1 23:13

Dá ki Daud takin intaunea mita inta degá 600 tua, ḷagidon nonaḷámai kon Kehila bo nomampi-mamping mako kon tampat. Naonda in kinotaauan i Saul kon ki Daud ain iḻumuai nongkon Kehila, diádon in sia minayá nonubu.

SAMUEL 1 25:13

“Pogigabitdon komintan!” parenta i Daud. Dá ḷagidon dinuduian in intaunea mita in singog i Daud tatua. Ki Daud in nogigabit domandon bo nobuat takin degá opatmai nogatut in intau, bo intau doyowa nogatut in sinaḷáan sin moḷukad kon pakakat mita.

SAMUEL 1 27:3

Dá nogutundon in sia kon tua noyotakin in intaunea kon Gat, kon batúannea takin motoḷuadí monia. Ki Daud in nodia kon i buḷoinea doyowa, inta ki Ahinoam bobay nongkon Yizreel, bo ki Abigail, ki baḷú i Nabal bobay in Karmel.

SAMUEL 1 27:4

Naonda in kinodongogan i Saul kon ki Daud ain noḷagui minayá in Gat, diádon in sia moḷongasi modomok kon inia.

SAMUEL 1 30:1

Doyowa nosinggai noiduduimai, ki Daud bo intaunea nobui kon kotá in Ziklag. Naonda in noiyaputmai kon tua, kinotambakanmai monia kon intau in Amalek ain nonubu kon dotá i toḷatan butá in Yohuda bo nonubu kon Ziklag. Mosia in diábí noḻimod kon tobatúmai in intau. Táe sinurub monia komintan in kotá tatua bo nongingguput kon bobayáan monia takin nodia kon bobay mita, adí mita bo intau mita ibanea inta nogutun kon tua. Mosia in nodomok domandon kon motoḷuadí i Daud bo motoḷuadí in intaunea mita, noitakin doman in ki buḷoi Daud taya dua, ki Ahinoam bo ki Abigail. Noajar totok in gina i Daud takin gina in intaunea mita, dá mosia in nongombaḷdon diá nodona-doná nodapot in noḻemédon in mosia.

SAMUEL 1 30:14

Kami ain nonubu kon butá in intau in Kreti kon dotá in toḷatan in Yohuda bo butá in inanakan i Kaleb, bo kami ain nonurub kon bayongan kotá in Ziklag.”

SAMUEL 1 30:9

Bo nobuatdon in ki Daud takin intaunea inta onom nogatut tua. Naonda in mosia nodapot kon Ongkag in Besor, ki Daud in nongingguput kon bobayáannea noyotakin in intau 400; táe inta 200 ibanea in nogutunpa kon tua. Popisí in noḷopídon totok bo diádon mokoḷoḷan kon Ongkag in Besor.