SAMUEL 2 15:14 - Alkitab Singog In Mongondow Masa In Tanaa

¹⁴ Bo noguman in ki Daud kon bayongan in pogawainea inta kon Yerusalem, “Koḻigai in kita mayádon nongkon naa. Tongádon naa in daya sinbá mosaḷamat in kita nongkon i Absalom. Diádon moonggot bo mamangoi in sia. Koḻikatdon, sinbá diá kobatukannea in kita bo taḷowonnea, dá bayongan in intau kon kotá in ḻimodon!”

SAMUEL 2 15:14 ပူးပေါင်းရင်းမြစ်များ

SAMUEL 2 12:11

Akuoi in mongibot kon mopoumabí in bodito kon inimu inta mamangoi nongkon motoḷuadímu tontaní. Gamáan-Kubí in ki buḷoimu mita koonto-ontongmu mako bo ogoi-Ku kon intau ibanea inta mosiug takin monia kon dodai in singgaipa.

SAMUEL 2 15:15

“Mopia, Tuang datu,” tubag monia. “Kami in mosadiabí mogaid kon onuka in koibog i Tuang Datu.”

SAMUEL 2 19:10

Ki Absalom in dinuídon naton datu, táe tanaa in minatoidon in sia kon pinoparangan. Nongonu sin diábí tobatúmai in moḷongasi modia mangoi bui kon i Datu Daud?”

SAMUEL 2 19:9

Kon bonu in bayongan suku in Israel nomukádon in bobayowan. Guman monia, “Ki Datu Daud ain noposaḷamat kon inaton nongkon intau in Pilistin bo nopoḷuatdon kon inaton nongkon musung mita ibanea, táe tanaa in sia in noḷaguidon kon i Absalom bo nonaḷámai kon butá tanaa.

MAZMUR 51:18

Iko in doíbí kon kuruban ratáan; aka kuma bo akuoi moposumba in kuruban payongon, yo doíbí Iko intua.

YEHEZKIEL 46:18

Pongawasa tatua in diábí motaau in mogamá kon topiḻikmai in kapunyaan budel in rayatnea. Tongábí butánea tontaní in motaau ogoinea kon i adínea mita ḷoḷaki dá diábí tobatúmai in umat-Ku in motaau potondíon nongkon kapunyaannea.”

MATIUS 11:12

Pinangkoipamai ki Yohanes Mobobaptis nopotaau in habarnea noiyaput in tanaa, umat i Allah totok in bayowan in intau mita inta moḷongasi mongawasa kon tua takin aid diá mopia.

LUKAS 10:15

Bo moiko, Kapernaum! Degá kainimu kamai dá poḷantudonbí in iko dapot in soroga? Bá pogumanku, Diábí! Sedang bo moiko nion in pogonagbí kon naraka!”