SAMUEL 2 14:9 - Alkitab Singog In Mongondow Masa In Tanaa

⁹ “Tuangku Inta Momulia,” guman in bobay tatua, “onukabí in pomiaan i Tuangku, bobantungbí naa bo motoḷuadíku in mobaba kon bungainea; Ki Tuangku bo motoḷuadí i Tuang in diábí kotaḷá.”

SAMUEL 2 14:9 ပူးပေါင်းရင်းမြစ်များ

KINOBAḺIAN 27:13

Ki inánea in notubag, “Donaai moondok, Uḻe. Bain akuoi in mobaba kon bayongan kutuknea. Aidaidon onu inta pinogumanku, bayádon gamá in bembé mita tatua.”

KINOBAḺIAN 43:9

Akuoidon in nobaḻí potaru kon inia, bo motaaubí tuntuton i amá kon inakó in sia. Aka sia bo diá diaanku mangoi takin kaadaan mosaḷamat, yo tanggungonku in hukumannea kon bonu in akuoi mobiagpa.

SAMUEL 2 14:10

Ki Datu in notubag, “Aka oyúon in intau in mopogogondok kon inimu, diádon mangoi in sia kon inakó, dá kon singgai moiduduimai notantú bidon kon sia in diá bidon monuyayow kon inimu bui.”

SAMUEL 2 14:8

“Pobuidon,” tubag i datu, “bain tompiaanku in pelekara tatua.”

DATU MITA IMITÁNEA 2:33

Hukuman popisí in kinopatoian in porwira doyowa tatua in ki Yoabdon bo buínea in umuran mobaba. Táe bayongan buí i amáku inta mobaḻí datu, in umuranbí barakatan i Tuhan – mosia in mobiagbí motompia.”

PINOGIAPAN 35:33

Aka aidan monimu in natua, yo moiko in nokoporomúdon kon butá inta pinogutunan monimu. Poḻimodan mokoporomú kon butá; dá diábí in aid ibanea mondarit in butá tatua koḻikudbí in monginggamá kon kobiagan in intau inta noḻimod tatua.

MATIUS 27:25

Bayongan in intau inta kon tua in notubag, “Pomayádon mako bain kami bo ki adí nami in motarima kon hukuman kon kopatoian-Nea!”

SAMUEL 1 25:24

bo poḷat noguman kon inia, “Tuangku, indongogaipa kaasí in akuoi naa! Biódon mako bá akuoidon tontaní in mobaba kon taḷá tatua!