SAMUEL 2 14:6 - Alkitab Singog In Mongondow Masa In Tanaa

⁶ Bobantung naa in kogadí kon adí ḷoḷaki doyowa, bo kon singgai tobatú taya dua in noropatoi kon apow. Popisí in diá in nopoyoguat, dá tobatú kon sigad nayadua tatua in minatoi kinoḻimodan.

SAMUEL 2 14:6 ပူးပေါင်းရင်းမြစ်များ

KINOBAḺIAN 4:8

Bo ki Kain in noguman kon i Habel, ki ai-ainea tua, “Koḻigai kita mayá in gobá.” Naonda in mosia kon tua, ki Kain in nomongkug bo poḷat noḻimod kon i Habel inta ki ai-ainea tontaní tua.

SAMUEL 2 13:28

Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

SAMUEL 2 13:29

Bobantung mita tatua nogaid kon onu in pinoki aid i Absalom, bo iḻimodon monia in ki Amnon. Nokoontongmai kon natua in ki adí mita ḷoḷaki i Daud ibanea baḷúdon sinumakoi kon bagal monia kon batúannea bo noḷagui.

SAMUEL 2 14:5

“Nongonu?” noḻibó in ki datu kon inia. Bobay tatua in notubag, “Bobantung naa in dongkadon boba-bobay inta nobiag nobogá. Ki buḷoiku in minatoidon.

SAMUEL 2 14:7

Bo tanaa, bayongan in ginaḷumku in mosaturudon kon inakó bo monuntut sinbá akuoi in mobogoidon kon i monia kon adíku inta noḻimod tatua, sinbá popoḷabúan monia in hukuman matoi, sin sia in noḻimodon kon i utatnea. Aka ogoikudon in ki adíku tatua, dá dongkadon aku-akuoi mita. Mosia in momoguyaatdon kon inta nobaḻí andoḷan in kobiaganku bo diádon monaḷámai kon adí ḷoḷaki tobatú kon i buḷoiku sin mongingguput kon buínea.”

IḶUAIAN 2:13

Nopoikoḷomai kon singgai, ki Musa in minayá bui, bo nokoontong doman kon intau Ibrani doyowa inta koyogot moropatoi. Dá ki Musa in noḻibó kon intau inta kotaḷá tatua, “Nongonu sin iko momongkugbí kon yobayatmu?”