SAMUEL 2 13:6 - Alkitab Singog In Mongondow Masa In Tanaa

⁶ Onda intua nosiug in ki Amnon kon tosiugan naonda bo notakit. Naonda in ki Datu Daud namangoi noindoi kon inia, ki Amnon in noguman kon inia, “Amá, poangoipa in ki Tamar mamangoi sin momia kon kukis kon tayowonku kon naa; bá moibog in akuoi mongaan.”

SAMUEL 2 13:6 ပူးပေါင်းရင်းမြစ်များ

KINOBAḺIAN 18:6

Ki Abraham iḻimikat sinumuot kon ḷoḷaigannea bo noguman kon i Sara, “Koḷamemetdon bo pogamá kon topong tokarong inta totok in nopira, bo pogaidaipa kon roti inta noḻimbung.”

SAMUEL 2 13:5

Bo ki Yonadab in noguman kon inia, “Mogampangbí intua! Posiugdon mako kon tosiuganmu, bo ki ubo-uboḷmaidon naonda bo notakit. Aka ki amámu mamangoi moindoi kon inimu, pogumandon kon inia, ‘Amá, potabápa mangoi in naa in ki Tamar sinbá ogoianneapa in kaanon in akuoi. Aka mokoontong in akuoi kon inia modungú kon naa, yo mokopongaanbí in akuoi.’ ”

SAMUEL 2 13:7

Onda intua nokidia in koyow in ki Daud kon i Tamar kon komaḻig, kainia, “bayápa kon baḷoi i guya-guyangmu ki Amnon, bo podungúaipa in sia.”

MATIUS 13:33

Onda intua ki Yesus nongonguman doman kon poumpamaan nanaa kon i monia. “Aka ki Allah mamangoi momarenta, yo ná umpama ragi inta ginamá in bobay, bo pinobauk kon topong torigu opat nopuḷú noliter nodapot in kinumutad komintan!”