SAMUEL 2 13:22 - Alkitab Singog In Mongondow Masa In Tanaa

²² Sinagú totok i Absalom kon gina in yaat in ginanea kon i Amnon bo doídon in sia mongonguman takinnea popisí in sia ain nodomok kon i Tamar inta ki ai-ainea.

SAMUEL 2 13:22 ပူးပေါင်းရင်းမြစ်များ

KINOBAḺIAN 24:50

Ki Laban bo ki Betuel in notubag, “Popisí in onu inta nobaḻí tanaa bo nongkon i Tuhanbí, dá kami in diábí motaau mogamá kon simpod in tosingogon.

KINOBAḺIAN 31:24

Kon tungkuḷ in doḷom ki Allah namangoi kon i Laban kon bonu in togoindopnea, bo noguman, “Pokoingat dika mokoimontanmai iko mopogogondok kon i Yakub takin tosingogon tongáka totontagá.”

KINOBAḺIAN 31:29

Moḷobenbí in ropotku aka akuoi mogaid kon inta moraat kon inimu, táe kogobíi ki Allah inta sinumba i amámu nobogoidon in tompoingat kon inakó sinbá diá mopogogondok kon inimu.

SAMUEL 2 13:21

Kinodongogandon i Datu Daud onu in nobaḻí tatua, bo sinumorúdon totok in sia.

AMSAL 10:18

Intau inta mobuni kon yaat in gina yo sia in intaubí mouboḷ. Intau inta moponapud magí mako in uboḷ in intaubí dondunguḷ.

AMSAL 25:9

Aka moyotaḷá takin yobayatmu, yo poyotutuipa intua tongá takinnea, táe onu in iharasia in intau dikabí potaaumu.

AMSAL 26:24

Intau inta moraat in mopiabí in tosingogonnea mita táe ginanea nopuḻing in moromú

AMSAL 26:26

Umpaka bunionnea in yaat in ginanea, yo ontongonbí kon bayongan in aidnea inta moraat.

MOHOHUTUBA 7:9

Dika baḷú tumorú totok; tongábí intau bodok in motagú kon gina.

MATIUS 18:15

“Aka ki utatmu bo nogaid kon dosa kon inimu, yo tongginaai in sia kon wakutu in tongá kamu-kamunda. Aka sia bo mokidongog kon tongginamu. Yo iko in nopotutui in daḷan inta mopia kon inia.

EPESUS 4:26

Aka moiko bo tumorú, yo mokopopia sinbá diá baradosaan popisí in torúmu tatua. Dika tumorú tumongo singgai tua,

EPESUS 4:31

Ḷumbúdon in bayongan inta mokosakí kon gina, donaaidon motagú kon gina bo rogi. Donaai domandon umuran moyogenggeng bo mosiponapudan in diá totuu bo ḷumbú domandon in bayongan inta moraat.

YOHANES 1 2:11

Táe intau inta mosaturu kon i utatnea in nobiagpabí kon sindip. Sia in minayá kon bonu in sindip, bo diá kotaauannea mongo kon onda in bayáannea, sin sindipdon tatua in mogoḻingoi kon inia.

YOHANES 1 2:9

Intau inta noguman kon sia in nobiagdon kon nobayag, táe sia in umuranpa doman mosaturu kon i utatnea, yo intau tatua in umuranpabí nobiag kon nosindip umaai in tanaa mako.

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.

YOHANES 1 3:12

Donaaibí in kita ná ki Kain, inta nobaḻí ki adí in Ibilis bo noḻimodon kon i utatnea tontaní. Nongonu sin ki Kain in noḻimodbí kon i utatnea? Popisíbí in soaḷ mita inta pinomianea in nongoitaḷá, táe soaḷ mita inta pinomia i ai-ainea in noitutui.

YOHANES 1 3:15

Intau inta mosaturu kon i utatnea in intaubí moḷoḻimod, bo kinotaauanbí monimu kon intau moḷoḻimod in diábí mokouḻí kon kobiagan mopia bo mononoi.