SAMUEL 2 13:20 - Alkitab Singog In Mongondow Masa In Tanaa

²⁰ Naonda in inontong i Absalom, noḻibó in sia, “Eta ki Amnon nopoyagi-yagimaidon kon inimu? Natuadon ai-aiku, dikadon raionmai bui. Sia tua in ki guya-guyangmubí, dá dikadon oumanon kon i ineka.” Bo ki Tamar in minayádon nogadop kon baḷoi i Absalom, bo totokdon moajar in ginanea bo moingongowdon.

SAMUEL 2 13:20 ပူးပေါင်းရင်းမြစ်များ

KINOBAḺIAN 34:2

Naonda in ki Sikhem, ki adí i Hemor intau in Hewi inta nobaḻí datu kon butá tatua nokoontong kon i Dina, pinoḷaguinea in mongodeaga tatua bo pinakisanea siniugan.

KINOBAḺIAN 46:15

Mosia tua in ki adí mita i Lea kon i Yakub inta pinononggadí kon Mesopotamia, koḻikud intua ki adínea doman bobay inta tangoinea ki Dina. Dá bayongan buí i Yakub nongkon i buḷoinea ki Lea kobayongnea in toḷu nopuḷú botoḷú.

SAMUEL 2 13:19

Bo nopoinggú in ki Tamar in ḷobud kon uḷunea, nomerak kon jubahnea, bo minayá takin nopogoḻingoi in ḻimanea kon pogotnea bo sindaḷan nongombaḷ totok.

SAMUEL 2 13:21

Kinodongogandon i Datu Daud onu in nobaḻí tatua, bo sinumorúdon totok in sia.

SAMUEL 2 14:24

Táe diábí inogoi i datu in ki Absalom mogutun kon komaḻig. “Doíbí in akuoi moindoi kon inia,” guman i datu. Dá ki Absalom in baḷúdon nobui kon baḷoinea tontaní, bo diádon minayá in tayowon i datu.

AMSAL 26:24

Intau inta moraat in mopiabí in tosingogonnea mita táe ginanea nopuḻing in moromú

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”