SAMUEL 2 13:18 - Alkitab Singog In Mongondow Masa In Tanaa

¹⁸ Bobantung tatua nogaid kon onu in pinoki aid kon inia tua. Ḷambung i Tamar in jubah mobanat inta noḷanggó in ḻimanea. Kon tungkuḷ intua adí mita bobay i datu inta diápa kobuḷoi in biasamai mogiḷambung ná tatua.

SAMUEL 2 13:18 ပူးပေါင်းရင်းမြစ်များ

KINOBAḺIAN 37:23

Naonda in ki Yusup noyaput kon i guya-guyangnea, takin sampuradu in mosia noḷongkut kon jubah i Yusup inta totuu mogaga tua.

KINOBAḺIAN 37:3

Tabi i Yakub kon i Yusup noiḻiu kon tabinea kon i adínea mita ibanea, sin ki Yusup in pinononggadí kon wakutu in ki amánea nogoguyangdon. Kon singgai tobatú ki Yusup pinogaidannea kon jubah tobatú inta totok in mogaga.

KINOBAḺIAN 37:32

Onda intua jubah tatua pinoki atod monia kon i amá monia takin koyow, “Jubah tanaa nouḻí nami. Pirikisaka mongo jubah i adí i Papa in naa?”

SAMUEL 2 13:17

Nogoiní in sia kon bobantungnea bo noguman, “Dia poḷuai in bobay tanaa, bo kunsíai in ḷoḻingkop!”

HAKIM MITA 3:23

bo iḷumuaidon in sia poḷat nongunsí kon ḷoḻingkop in gopot tatua,

HAKIM MITA 5:30

“Mosia in koyogot mosilai kon onu inta inagow monia kon parang, kon batúan in tontara, tobatú ande doyowa in mongodeaga. Kon i Sisera, bahan ḷambung inta totok in mongomahaḷ, kon i bokí, in aḷuang inta sinujian in noyagi-yagimai in batangannea.”