SAMUEL 2 13:12 - Alkitab Singog In Mongondow Masa In Tanaa

¹² “Ah, dika, guya-guyang!” tubag in mongodeaga tatua. “Dika pakisaanmu in akuoi momia kon inta mokooyá totok tatua! Aid natua in diábí kon dodai in onda in inaidan kon Israel.

SAMUEL 2 13:12 ပူးပေါင်းရင်းမြစ်များ

KINOBAḺIAN 34:2

Naonda in ki Sikhem, ki adí i Hemor intau in Hewi inta nobaḻí datu kon butá tatua nokoontong kon i Dina, pinoḷaguinea in mongodeaga tatua bo pinakisanea siniugan.

KINOBAḺIAN 34:7

Tongkaná intua ki adí mita i Yakub nobuidon nongkon tampat pinopokaanan monia in bobiagon. Nokodongogmai kon onu in nobaḻí tatua, mosia in noitaḻikokog bo totok in sinumorú. Sin aid i Sikhem natua kon i adí i Yakub notongkai in mosia nokopooyámaidon kon bayongan intau Israel.

AMSAL 7:7

Bo inontongku nobayong in ede in tayowmobiag; táe sinaridianku totok in intaubí tobatú inta bodok kon sigad monia.

YEREMIA 29:23

Natuata in ukur monia popisí in nogaidon kon dosa mita moḷoben kon Israel: Mosia in nonuaḻing, bo nopomaké in tangoi i Tuhan sin mongonguman kon inta diá mita totuu. Tua in noyotoḻikud in ibog i Tuhan. Kinotaauan-Neabí in onu inta inaidan monia, bo sia tontaní in nobaḻí sakusi moḷawang kon i monia. Ki Tuhan ain nosingog.”

IMAMAT 18:11

Dika siuganmu in ki utatmu bobay inta toamáan táe noyoposi kon iná ande toináan táe noyoposi kon amá, sin sia in ki utatmubí doman.

IMAMAT 18:9

Dika siuganmu in ki utatmu bobay ande ki utatmu uatok, pinomayá inta pinoyobiag takinmu ande inta diá pinoyobiag takinmu.

IMAMAT 20:17

Aka ḷoḷaki tobatú mosiug takin i bobaynea ande takin ki bobaynea inta toamáan táe noyoposi kon iná ande toináan táe noyoposi kon amá, dá mosia tua in diádon iapon umat-Ku. Mosia aindon nomia kon oaid inta moraat totok bo musti motarima kon bungai in oaidnea.

ULANGAN 22:21

dá bobay tatua in musti diaan kon tayowon in baḷoi in guyanganea. Kon tampat tatua ḷoḷaki mita nongkon kotá tatua musti mogandur in batu kon bobay tatua dapot in matoi. Bobay tatua ain nogaid kon inta mokooyá kon bangusa naton sin nosiugdon takin ḷoḷaki kon dodai in diápa pinobuḷoi kon dodai in sia nogutunpa kon baḷoi i amánea. Aid monimu tatua monginggamá kon aid moraat tatua.

ULANGAN 22:29

Kon pelekara tatua in ḷoḷaki tatua musti moguboḻi kon i amá in mongodeaga tatua in bogoi kon tonibuḷoi ḻima nopuḷú in doit saḷaka in kobayongnea. Mongodeaga tatua in mustibí umuran mobaḻí ki buḷoinea sin sia in pinakisadon nosiug takinnea bo kon bonu in kobiagannea sia in diábí motaau gaaton.

HAKIM MITA 19:23

Guranga tatua iḻumuai bo noguman kon i monia, “Dika, uḻe utat mita! Poigumonku, dika momia kon inta moraat bo inta diá patus ná tua, sin sia tua in mokokiangoiku.

HAKIM MITA 20:6

Dá ginamákudon in mayatnea bodongka pinongko-pongkó bo pinoki dia in pongkóan mita tatua kon suku in bangusa naton inta mopuḷú bo doyowa tua, tumongo pongkó in tongo suku. Tua in pinomiaku sin intau mita in Gibea tua in nomiadon kon inta moraat bo mokopooyámai kon umat in Israel.