SAMUEL 2 13:1 - Alkitab Singog In Mongondow Masa In Tanaa

¹ Ki Absalom adí ḷoḷaki i Daud kogai-gai kon mongodeaga inta moḷunat totok, ki Tamar in tangoinea. Ki Amnon ki adí ḷoḷaki i Daud kon bobay ibanea, noibog kon i Tamar

SAMUEL 2 13:1 ပူးပေါင်းရင်းမြစ်များ

KINOBAḺIAN 29:18

Ki Yakub in noibogdon kon i Rahel, tuamai sia noguman kon i Laban, “Akuoi in mogaid pitupa notaong aka ogoimu akuoi motonibuḷoi takin i Rahel.”

KINOBAḺIAN 29:20

Dá ki Yakub in nogaidon pitupa notaong in koonggotnea sinbá sia in motaau motonibuḷoi takin i Rahel, táe korasaannea pitu notaong tua in tongá inanggapnea naonda bo tongonumai nosinggai, sin popisí in ibognea totok kon i Rahel tua.

KINOBAḺIAN 34:3

Táe sia in totokbí in moibog kon i Dina, dapot in sia totokdon in moibog bo moramuji sinbá mongodeaga tatua moibog domandon kon inia.

KINOBAḺIAN 6:2

mahaḷuk mita i allah in nokoontong kon adí mita bobay tatua mongoḷunat. Bo mulai tonibuḷoion monia in mongodeaga mita inta koibog monia.

SAMUEL 2 11:2

Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.

SAMUEL 2 13:15

Táe nopaḷut mako kon tua ki Amnon totokdon in mobú kon i Tamar, yaatdon in ginanea tatua in moḷobe-ḷoben nongkon ibognea muna. Bo sia in noguman kon i ai-ainea tatua, “Ḷuaidon!”

SAMUEL 2 13:2

bo moibog mosiug takinnea. Táe diábí kumaan kon akaḷ intua sin ki Tamar in diápa kobuḷoi bo diábí motaau in moyobayat in ḷoḷaki. Ki Amnon in umuranbí mopomiki-mikirmai kon tua nodapot in notakit in sia.

SAMUEL 2 14:27

Ki Absalom in kogadí kon ḷoḷaki toḷu bo bobay tobatú inta totok in moḷunat, ki Tamar in tangoinea.

DATU MITA IMITÁNEA 11:1

Ki Datu Salomo in nongibog kon mobayong in bobay nongkon butá ibanea. Koḻikud in adí bobay i datu in Mesir, ki Salomo in notonibuḷoi doman takin bobay mita in Het, Moab, Amon, Edom bo Sidon.

TAWARIKH 1 3:9

Koḻikud in mosia tua oyúonpa doman in ki adí mita ḷoḷaki i Daud kon i pahangnea mita. Sia in kogadí doman kon adí bobay tangoinea in ki Tamar.

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

AMSAL 6:25

Dika in iko koakaḷan monia in koḷunat monia, dika moitontong kon mata monia inta modondouḷug.