SAMUEL 2 12:8 - Alkitab Singog In Mongondow Masa In Tanaa

⁸ Dodatuan i Saul bo ki buḷoinea mita in inogoi-Kudon kon inimu, nodapotdon in dinuí-Kudon in iko nobaḻí datu kon Israel bo kon Yohuda. Aka tua bo diápa doman tugat, yo notantú bidon kon ogoi-Kudon kon inimu podudui in ibogmu tua.

SAMUEL 2 12:8 ပူးပေါင်းရင်းမြစ်များ

SAMUEL 2 12:11

Akuoi in mongibot kon mopoumabí in bodito kon inimu inta mamangoi nongkon motoḷuadímu tontaní. Gamáan-Kubí in ki buḷoimu mita koonto-ontongmu mako bo ogoi-Ku kon intau ibanea inta mosiug takin monia kon dodai in singgaipa.

SAMUEL 2 12:2

Ki inta nobiag nooyúon kobobiagon inta moantó bo kodomba,

SAMUEL 2 2:4

Onda intua intau mita in Yohuda namangoi kon Hebron, bo noduí kon i Daud nobaḻí datu kon Yohuda. Naonda in ki Daud nokodongog kon intau mita in Yabesh kon Gilead noḷobongdon kon i Saul,

SAMUEL 2 5:5

Kon Hebron nomarenta in sia pitu notaong bo tobotak in koonggotnea, bo kon Yerusalem sia nomarenta kon bayongan in Israel bo Yohuda toḷu nopuḷú notaong in koonggotnea.

SAMUEL 2 7:19

Nodapot in Iko nomia kon noiḻiubí totok nongkon tua, o Tuhan Inta Totok in Moḷantud; Iko ain nomia kon dandi kon buíku inta kobayáan kon singgai moiduduimai. Bo pinoontong-Mu intua kon inakó, umpakabí akuoi naa in tongá intau, o Tuhan Inta Totok in Moḷantud!

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

DATU MITA IMITÁNEA 2:22

“Nongonu sin ki iná in moigum kon soaḷ tatua kon inakó?” ki Salomo noḻibó. “Tua in notongkaibí in nopoigum kon inakó sinbá mobogoi in ḷoḻitúan in dodatuan tanaa ogoi kon inia. Sia tua in ki guya-guyangku! Apadoman ki Imang Abyatar bo ki Yoab in tua kon inia!”

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

SAMUEL 1 15:19

Nongonu sin ki Tuang Datu in diábí dinumudui kon parenta i Tuhan? Nongonu sin ki Tuang Datu in noyotakinbí nogamá kon barang mita inta inagow, aid i Tuang Datu tatua in nokopomuká kon yaat in gina i Tuhan?”