SAMUEL 2 12:20 - Alkitab Singog In Mongondow Masa In Tanaa

²⁰ Dá sinimindogdon in ki Daud nongkon taḷog, bo noinggú poḷat nonaid kon buoknea, bo nomaḷuidon kon ḷambung. Onda intua minayá in sia noibada kon Baḷoi Tuhan. Nopaḷut mako kon tua minayádon bui in sia kon komaḻig, bo nokioḷud in kaanon pongaanannea, bo nongaandon in sia.

SAMUEL 2 12:20 ပူးပေါင်းရင်းမြစ်များ

SAMUEL 2 12:19

Naonda inontong i Daud in bobantungnea mita tatua noyogombong, kinotaauanneadon kon minatoidon in adí tatua. Bo iḻibóneadon kon i monia, “Minatoidon degá in adí tatua?” “Minatoidon, Tuang Datu,” tubag monia.

SAMUEL 2 12:21

Nokoontongmai kon natua, bobantungnea mita noguman kon inia, “Diádon komangaḻean nami in ki Tuang Datu. Kon dodai in adí tatua nobiagpa, ki Tuang Datu in nopuasa bo mongombaḷmai kon inia, táe naonda in minatoi in sia, ki Tuang in sinimindogdon bo nongaan!”

SAMUEL 2 14:2

tuamai nokioiní in sia in bobay mobijaksana tobatú inta nogutun kon Tekoa. Naonda in bobay tatua noyaput mangoi, noguman in ki Yoab kon inia, “Ki iná in musti ki ubo-uboḷmaidon nonogumatoi; pogiḷambungdon in ḷambung pinonogumatoian, bo dika momaké in ḷana mobondu. Pomiadon naonda bo bobay inta ain noonggot in nongombaḷmai kon kinopatoian in intau inta totok in kinotabinea.

SAMUEL 2 19:24

Ná doman tua in ki Mepiboset ki ompu i Saul, namangoi doman sin motomu kon i datu. Sia in diá nondarit kon sioḷnea, diá doman nongarug kon kuminea, bo diá nomatá kon pakeangnea pinangkoipa ki Datu Daud nonaḷámai kon Yerusalem nodapot in sia nobui takin saḷamat.

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

SAMUEL 2 7:18

Bo sinumuotdon in ki Datu Daud kon bonu in ḷoḷaigan i Tuhan. Iḻimitú in sia bo nosambayang, “O Tuhan Inta Totok in Moḷantud, akuoi takin motoḷuadíku in diábí patus motarima kon kopiaan inta pinoontong-Mu kon inakó naa in kino oonggot.

AYUB 1:20

Bo sinimindogdon in ki Ayub bo nomerak kon ḷambungnea nobaḻí tomponuot kon ponogumatoian. Nongarug in sia kon buoknea, bo sinumungkud

AYUB 2:10

Tubag i Ayub, “Iko nion in mosingogbí naonda bo intau dondunguḷ! Umpaka yo tongábí in kita moibog motarima kon onu inta mopia nongkon i Allah, bo inta diá mopia in diábí tarimaan naton?” Dá, umpakabí in ki Ayub kinoantugandon in bayongan bodito tatua, diábí in sia nopoyaput in tosingogon moḷawang kon i Allah.

MAZMUR 103:1

Nongkon i Daud. Dayowdon ki Tuhan, ei dimukudku, ḻimbatú in ginaku, dayowdon in tangoi-Nea inta mokudus.

MAZMUR 103:8

Sin ki Tuhan in motabi bo mopia in gina Sia in mosabar bo tabi-Nea in moiḻiu ḷoben.

MAZMUR 39:9

Poḷuatdon in akuoi nongkon bayongan in dosaku, dika pomayá mako in akuoi tororebeg in intau dondunguḷ.

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

AMSAL 3:7

Dikabí kainimu kon iko in mopando-pandoi nongkon inta sabanarnea; pokotoindudui kon i Tuhan bo pokopoyayú kon inta moraat.

MOHOHUTUBA 9:8

Pokotarimbukabí bo pokopobayag in pogotmu.

MATIUS 6:17

Táe aka moiko bo mopuasa, yo pogiminyabí bo pongiamot,

LUKAS 7:46

Diábí pinakéanmu in minya in uḷu-Ku, táe bobay tanaa aindon nopoḷana in ḷana nobondu kon sioḷ-Ku.

RUT 3:3

Yo poinggúdon in tanaa, pomakédon in ḷana mobondu bo pogiḷambungdon in ḷambung inta totok in mopia. Bo bayádon in tampat inta poḷoḻintogan i Boas kon gandumnea. Oḷatdon kon tua modapot in sia mopaḷut mongaan bo monginum, táe ramuji bá diápa kotaauannea kon iko in kon tuadon.

SAMUEL 1 15:25

Táe tanaa, akuoi in mopoigum kon i Amá ampungaidon in dosaku bo buidon angoi moyotakinku kon Gilgal, sinbá akuoi motaaudon moibada kon i Tuhan.”

SAMUEL 1 15:31

Dá nobuidon mangoi in ki Samuel noyotakinnea kon Gilgal, bo ki Saul noibada kon i Tuhan.